From Wikipedia, the free encyclopedia
سینٹ پیٹرز برگاتلے لیندے روس دا شہر اے ،جہڑا بالٹک سمندر چ خلیج فن لینڈ دے چڑھدے کنڈے تے دریائے نیوا دے ڈیلٹا تے وسدا اے. ایہہ 1914ء توں 1922ء تک پیٹرو گراڈ تے 1922 توں 1991 تک لینن گراڈ دے ناں نال جانیا جاندا سی۔
| سینٹ پیٹرزبرگ | |
 | |
 |
.svg) |
.png) | |
| دیس: | روس  |
| تھاں | 1,439 مربع کلومیٹر |
| لوک گنتی: | 4,879,566 |
| بولی: | روسی |
شہر دی نیو 16 مئی 1703ء چ زار پیٹر نے رکھی۔ ایہہ 2 سو سال توں زیادہ ویلہ روسی سلطنت دا راجگڑھ رہیا ۔ انقلاب روس دے مگروں 1917ء چ راجگڑھ ماسکو بنادتا گیا۔سینت پیٹرز برگ دی لوک گنتی 2008 وچ 47 لکھ اے تے ایہہ روس دا دوجا تے یورپ دا تیجا وڈا شہر اے ۔
سینٹ پیٹرزبرگ یورپ دا رہتلی گڑھ تے روس دا وڈا سمندری اڈہ اے ۔ شہر دا کل رقبہ 1459 مربع کلومیٹر اے تے ایہہ دس لکھ توں زیادہ آبادی والے یورپی شہراں چ لندن توں بعد رقبے دے لحاظ نال دوجا سب توں وڈا شہر اے ۔ ایہہ نیویارک توں دگنا تے پیرس توں 13 گنا وڈا شہر اے ۔
سینٹ پیٹرزبرگ 10 لکھ توں زیادہ آبادی والے دنیا بھر دے شہراں چوں انتہائی شمالی شہر اے ۔ شہر دے مرکز نوں اقوام متحدہ دے ادارے یونیسکو نے عالمی ثقافتی ورثہ قرار دتا ہوئیا اے ۔
پہلی مئی 1703 چ وڈی اتلی لڑائی وچ پیٹر وڈے نے انگریا چ دریائے نیوا تے سویڈن دے قلعے نیئنسکانس تے مل مار لیا ۔ اسدے کجھ ہفتے مگروں 27 مئی 1703ء دریا دے تھلویں علاقے چ ، خلیج فن لینڈ دے کنڈے توں 5 کلومیٹر اندرےلے پاسے ، جزيرہ زیاچی تے اسنے پیٹر پاول قلعے دی نیو رکھی ، جہڑی اس نویں شہر دی پہلی پکی عمارت بنیا ۔ اس نے اس قلعے دا ناں یسوع دے سنگی پطرس (پیٹر) دی ناں تے رکھیا ۔
شہر سارے روس توں زرعی غلاماں تے سویڈن دے جنگی قیدیاں توں جبری مشقت نال الیکزینڈر مینشیکوف دی نگرانی چ تعمیر کروایا گیا ، تے بعد چ ایہہ سینٹ پیٹرزبرگ گورنوریٹ دا گڑھ بنیا ۔ پیٹر اعظم نے 1721ء چ معاہدہ نیستاد راہیں جنگ ختم ہون توں پہلے 1712ء چ راجگھر ماسکو توں سینٹ پیٹرزبرگ منبتقل کر لیا ۔
روس دا 1905ء دا انقلاب سینٹ پیٹرزبرگ توں شروع ہویا تے چھیتی ای باقی صوبےآں چ پھیل گیا ۔ پہلی جنگ عظیم شروع ہون تے ، سینٹ پیٹرزبرگ ناں جرمن ہون پاروں ، 1914ء چ بدل کے پیٹروگراد کر دتا گیا ، جہڑا کہ پہلے ای سلاو بولیاں بولن آلے دیس ورت رہے سن ۔ 1917ء چ انقلاب فروری جسنے روسی سلطنت دا خاتمہ کر دتا تے انقالب اکتوبر جس نال ولادیمیر لینن اقتدار چ آیا ، پیٹروگراد توں شروع ہوئے ۔ شہر دے سرحد تے ہون ، جرمنی دے حملے دے خطرے تے سویت مخالف فوجاں قائم ہون تے بالشویکاں نے 12 مارچ 1918ء نوں راجگھر مڑ ماسکو منتقل کر لیا ۔
سینٹ پیٹرزبرگ دا موسم بالٹک سمندر دے اثر پاروں مرطوب براعظمی موسم اے ۔ جہڑا گرمیاں چ گرم ، مرطوب تے گھٹ چر لئی ہندا اے تے سردیاں چ ٹھنڈا تے بوہتے چر تک ہندا اے ۔
جولائی چ اوسط درجہ حرارت 22 ڈگڑی سینٹی گریڈ رہندا اے تے گرمیاں چ ودھ توں ودھ درجہ حرارت 35 ڈگری تک جاندا اے ۔ تے سردیاں چ گھٹ توں گھٹ درجہ حرارت منفی 35 ڈگری سینٹی گڑیڈ تک ڈگ جاندا اے ۔ شہر چ وگن آلا دریا نیوا نومبر ، دسمبر چ مکمل طور تے جم جاندا اے تے اپریل تک جمیا رہندا اے ۔
 |
وکیمیڈیا کامنز چ مورتاں: Saint Petersburg |
|
وکیمیڈیا کامنز چ مورتاں: Saint Petersburg |
· چوکوتکا · خانتی مانسی · نینٹس · یامالیہ · یہودی صوبہ · ماسکو · سینٹ پیٹرزبرگ
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
