یوریا اک آرگینک کمپاؤنڈ اے جیدا فارمولا CO(NH2)2 اے۔ اس دے مالیکیول وچ دو NH2 گروپ اک کاربونائل گروپ نال جڑے ہوندے نیں۔ یوریا جانوراں وچ نائیٹروجن دے کمپاؤنڈاں دی میٹابولزم وچ بوت خاص کم کردا اے۔ ایہ ددپلانیاں دے موتر وچ نائیٹروجن رکھن آلا کمپاؤنڈ ہوندا اے۔ ایہ اک بے رنگا، بے بو تے پانی چ بوت کلن آلا کمپاؤنڈ اے تے ایہ بلکل زخریلا نئیں۔ ایدا پانی چ کول نا تہ تیزاب ہوندا اے نا ای اساس۔ انسانی پنڈا اینوں کئی کماں لئی ورتدا اے جیناں چوں سب توں وڈا ورتن نائیٹروجن نوں بار کڑنا اے۔ کلیجہ اینوں امونیا تے کاربن ڈائی آکسائڈ نوں جوڑ کہ بناندا اے، ایہ کم یوریا چکر دا انگ اے۔ یوریا دی کھاد فسلاں نوں نائیٹروجن دین لئی بنائی جاندی اے تے ایہ ہور کیمیکل بنان لئی وی کیمیائی انڈسٹری چ ورتیا جاندا اے۔
1828 توں پہلاں کیمسٹری گرو تے سائنسدان ایہ سمجدے سن کہ آرگینک کمپاؤنڈ صرف جیندی شیواں ای بنا سکدیاں نیں مگر جرمن گرو فریڈرخ وولر نیں یوریا اپنی لیب وچ بنا کہ اس گل نوں غلط ثابت کردتا۔ اس توں بعد کئی ہور آرگینک کمپاؤنڈ لیب وچ بناۓ گۓ۔ علاج وچ یوریا سب توں ضروری دوائیاں چوں اک اے۔
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
