چینی تبتی بولیاں

اتہاس

چینی، تبتی، برمی اتے ہور بولیاں وچّ سانجھ بارے پہلے وچار 19ویں صدی وچّ دتے گئے سن اتے ہن ایہہ وچار زیادہ تر قبول کر لیا گیا ہے۔ ہند یورپی بولیاں جاں آسٹروئیشیائی بولی پرواراں دی پنرسرجنا اتے بہت کم ہویا ہے پر اس بولی پریوار دی پنرسرجنا اتے زیادہ کم نہیں ہویا ہے۔ اسدے پچھے کارن ہے کہ ایہناں بولیاں وچّ بہت اختلاف ہے اتے باقی بولیاں وانگ ایہناں وچّ شبد دے دھاتوآں وچّ تبدیلی کرکے نویں شبد نہیں بندے۔ اس دے نال ہی کئی چھوٹیاں بولیاں دور-دراڈے پہاڑاں وچّ جاں بارڈر دے علاقیاں وچّ بولیاں جاندیاں ہن جس کرکے اوہناں اتے زیادہ کم نہیں ہویا ہے۔^[۱]

مڈھلی کھوج

18ویں صدی دے دوران ودواناں نے تبتی اتے برمی وچّ سانجھ نوں پچھانیا۔ 19ویں صدی دی شروعات وچّ برائن ہاؤٹن ہوجسن اتے ہور ودواناں نے ویکھیا کہ اتلے چڑھدے بھارت اتے دکھن چڑھدے ایشیا دیاں کئی پہاڑی بولیں دی وی ایہناں نال سانجھ سی۔ 1856 وچّ جیمز رچرڈسن لوگن نے ایہناں بولیاں دے گروپ نوں "تبتو-برمی" ناں دتا اتے 1858 وچّ اسنے ایہناں وچّ کارین بولیاں وی شامل کیتیاں۔^[۲][۳] سٹین کونوء ولوں سمپادت " بھارت دے لنگوئسٹک سروے" دے حصے تیجے وچّ خاص طور اتے برطانوی ہند دیاں تبتو-برمی" بولیاں اتے کم کیتا گیا۔^[۴]