چڑھت سنگھ سکرچکیا

چڑھت سنگھ سکرچکیا (1722-1770 ): شیر پنجاب مہاراجہ رنجیت سنگھ دے دادا سی ۔اسدا دا جم سردار نودھ سنگھ دے گھر پنڈ سکرچک وچ سنّ 1722 وچ ہویا۔ اس نے چھوٹے ہندیاں توں ہی اپنے پیؤ نال جنگی مہماں اتے جانا شروع کر دتا۔ اپنے پیؤ دی موت توں بعد اس نے فیزلاپوریا (سنگھپوریا) مثل نالوں تعلق توڑ کے اتے اپنے جدی پنڈ سکرچک نوں چھڈ کے گجرانوالے وچ صدر مقام بنا لیا۔ سنّ 1756 وچ چڑھت سنگھ نے سردار امیر سنگھ دی پتری مائی دیساں نال ویاہ کرکے اپنی طاقت کافی ودھا لئی۔ اس نے ایمن آباد اتے وزیر آباد اتے حملہ کرکے اپنے ہیٹھ کیتا۔ اس توں بعد اس نے سیالکوٹ دے جرنیل نوردین بامیزئی نوں کھدیڑیا۔ لاہور دے صوبیدار خواجہ عبید خان نے جدوں گجرانوالے اتے حملہ کیتا تاں اس نے بڑی دلیری نال اس دا ساہمنا کیتا اتے س. جسا سنگھ آہلووالیا دی مدد نال اس نوں بھجا دتا۔ وڈے گھلوگھارے وچ وی اس نے اپنی بیرتا دی دھاک جمائی۔ احمد شاہ درانی دے افغانستان پرتدیاں ہی اس نے بھنگی سرداراں نال مل کے پہلاں اپریل 1763ء وچ قصور نوں جتیا اتے نومبر 1763ء وچ درانی دے سپہ سالار جہان خان نوں تکڑی ہار دتی۔

چڑھت سنگھ نے دھنی پوٹھوہار تک اپنی طاقت ودھائی اتے پنڈ دادن خان اتے کھیوڑا دیاں لون دیاں کاناں نوں اپنے تحت کیتا۔ اس کرکے بھنگی سرداراں نال مخالفت پیدا ہو گئی۔ اس ورودھ دا سکھر جموں راج-پروار دی آپسی لڑائی وچ ویکھن نوں ملیا جدوں ایہناں دوہاں مسلاں والیاں نے جموں دے اک اک دھڑے نوں اپنا لیا۔ دوہاں دیاں فوجاں جموں ول ودھیاں، پر اسے دوران کسے بھڑنت ویلے چڑھت سنگھ دی بندوق پھٹ گئی اتے اس دی سنّ 1770ء وچ موت ہو گئی۔ اس توں بعد اس دے لڑکے مہاں سنگھ نے مسلداری سمبھالی۔

ہور پڑھو

• لیکھک : ڈاکٹر. رتن سنگھ جگی، سروت : سکھ پنتھ وشوکوش، گر رتن پبلیشرز، پٹیالہ۔

باہرلے جوڑ

حوالے