From Wikipedia, the free encyclopedia
ابا جعفر امام محمد باقر بن علی السجاد بن حسین سید الشہداء بن علی المرتضیٰ علیہ السلام ۔ عالمِ اسلام دے پنجویں امام نیں۔ آپ امام زین العابدین السجاد دے فرزند تے امام حسین ابن علی علیہ السلام دے پوترے سن۔
آپ دی ولادت روز جمعہ یکم رجب 57ھ چ ہوئی . ایہ اوہ وقت سی جدوں امام حسن علیہ السّلام دی وفات نوں ست سال ہوچکے سن. امام حسین علیہ السّلام مدینہ چ خاموشی دی زندگی بسر کررہے سن تے وقت دی رفتار تیزی نال واقعہ کربلا دے اسباب فراہم کررہی سی. زمانہ آل رسول تےشیعانِ اہل بیت علیہ السّلام لئی صبر اشوب سی. چُن چُن کے محبانِ علی علیہ السّلام گرفتار کیتے جارہے سن , تلوار دے گھاٹ اتارے جارہے سن یا سولیاں اتے چڑھائے جارہے سن اس وقت اس مولود دی ولادت گویا کربلا دے جہاد چ شریک ہون والے سلسلہ چ اک کڑی دی تکمیل سی.