صلیبی جنگاں

معاشرتی وجہ

پیٹر دی اک قرون وسطی دی مورت جس چ اوہ نائٹاں ، فوجیاں تے زنانیاں دی پہلی صلیبی جنگ چ اگوائی کر رئیا اے

یورپ معاشرتی لحاظ نال مسلماناں دے مقابلے چ پچھے سی ۔ سماجی تے معاشرتی نقطہ نظر نال مساوات ، اخوت تے عدل و انصاف دے جنہاں اصولاں نوں مسلماناں نے اپنے ملکاں چ رواج دتا سی ، یورپ دا عیسائی معاشرہ حالے تیکر استوں وانجھا سی ۔ غریب لوک کئی طراں دیاں پابندیاں چ بنھے ہوئے سن ۔ یورپ دا نظام جاگیرداری تے مبنی سی ، جاگیردار غریب لوکاں دا خون چوس رہے سن تے لوکاں نوں اونہاں دے حقوق نئیں ملدے سن ۔ حکمران تے مذہبی گروہ نے عام لوکاں دی نفرت دا رخ اپنی بجائے مسلماناں ول موڑ دتا ۔

اخلاقی لحاظ نال وی لوکاں دی حالت چنگی نئیں سی ۔ یورپ دے سیاسی تے مذہبی آگوآں نے لوکاں دی توجہ ، اندرونی مسائل تے اینہاں دی بری حالت توں ہٹان لئی بیرونی مسئلےآن ول موڑ دتی ۔ صلیبی رضاکاراں چ وڈی گنتی اینہاں غریب لوکاں دی سی ، جہڑے اپنے سفلی جذیات دی تسکین لئی یونانی حسن دی شہرت سن کے اس نال کھیڈن لئی آئے سن ۔ مشہور فرانسیسی مورخ لیبان دا اس دور دے معاشرے تے صلیبی رضاکاراں دے خیالاں دی صحیح ترین عکاسی کردا اے ،اوہ لکھدا اے " جنت ملن دے علاوہ ہر شخص نوں اس چ مال تے دولت لبھن دیاں راہاں وی نظا آندیاں سن ، کاشکار جہڑے زمیندار دے غلام سن تے خاندان دے اوہ لوک جہڑے وراٹت د قنون دی رو نال وراٹت توں محروم سن ۔ اوہ امیر لوک جنہاں نوں جائداد چوں گھٹ حصہ ملئیا سی تے اوہ جنہاں دی خواہش سی اوہ مال تے دولت کماون ، اوہ راہب جہڑے خانقاہی جیون دیاں سختیاں توں تنگ سن ۔ غرض کل بھیڑے حالاں آلے تے وراثت توں وانجھے لوک ، جہڑے کہ وڈی گنتی چ سن ، اس مقدس گروہ چ شامل سن ۔