راجا رسالو (لکھاری)

راجا رسالو
جم	محمد صادق 11 جولائی، 1928ء چک نمبر 590 گ ب، ضلع ننکاݨا صاحب برطانوی پنجاب (موجودہ پنجاب، پاکستان)
موت	29 ستمبر 2007ء لاہور، پنجاب، پاکستان
قلمی ناں	راجا رسالو
کم کِتہ	شاعر، محقق
بولی	پنجابی
نسل	پنجابی
شہریت	پاکستانی
صنف	نظم، غزل، تحقیق، پنجابی لوک ادب
وڈے کم	پنجاب دے لوک گیت لوریاں آواجاوی پنجابی دی دوجی کتاب

زیر نظر مضمون پنجابی لکھاری راجا رسالو (اصل ناں: محمد صادق) دے بارے وچ اے ۔ پنجابی لوک ادب دے افسانوی کردار دے لئی راجا رسالو ویکھو۔

راجا رسالو (جم: 11 جولائی، 1928ء - وفات: 29 ستمبر، 2007ء)، پنجاب، پاکستان توں تعلق رکھݨ واݪے پنجابی زبان دے لکھاری، شاعر تے محقّق سی۔ اوہناں دا اصل نام محمد صادق اے تے راجا رسالو دے قالمی نام توں جاݨے جان٘دے نیں۔

حالات زندگی

راجا رسالو 11 جولائی، 1928ء نوں چک نمبر 590 گ ب، ضلع ننکاݨا صاحب، برطانوی پنجاب (موجودہ پنجاب، پاکستان) وچ پیدا ہوئے۔ اوہناں دا اصل نام محمد صادق سی۔ اوہ اک طویل عرصے تک پاکستان رائٹرز گلڈ لاہور تے پاکستان پنجابی ادبی بورڈ لاہور دے سیکریٹری رہے۔ اوہ پنجاب پولیس وچّ بطور کلرک کمّ کردے سن۔ پولیس وچ نوکری کردیاں اوہناں دی ڈیوٹی لگی کہ اوہ شاعراں تے لکھاریاں دی جسوسی کرن تے ایس طرحاں اوہناں نوں پنجابی شاعری ناݪ دلچسپی ہوگئی۔

پنجابی ادب وچ یوگدان

پنجابی ادب وچّ اپݨے یوگدان لئی مشہور، راجا رسالو نے اپݨی شاعری وچّ کئی سماجی حالات نوں وی پیش کیتا اے۔ اوہناں دیاں کتاباں وچّ پنجاب دے لوک گیت (1959ء)، لوریاں، پنجابی دی دوجی کتاب، آواجاوی، دو آر دیاں دو پار دیاں (2005ء) تے میں تن درد اولے (2006ء) شامل نیں۔

لِکھتاں

• آواجاوی
• لوریاں
• پنجابی دی دوجی کتاب
• پنجاب دے لوک گیت (1959ء)
• دو آر دیاں دو پار دیاں (2005ء)
• میں تن درد اولے (2006ء)

وفات

راجا رسالو 29 ستمبر، 2007ء نوں لاہور، پنجاب، پاکستان وچ وفات پاگئے۔

ہور دیکھو

• راجا رسالو

حوالے