جکارتا

تریخ

تریخ وچ جکارتا دا پہلا نشان چوتھی صدی عیسوی وچ اک ہندو آبادی دی حثیت نال ملدا اے۔ 14ویں صدی عیسوی چ ایہ ہندو سلطنت سنڈا دی اک اہم بندرگاہ سی ۔ سن 1513ء وچ پہلا یورپی بحری بیڑا ایتھے پہنچیا جہڑا 4 پرتگیزی جہازواناں تے مشتمل سی۔ سنڈا دی سلطنت نے وسطی جاوا دی مسلم سلطنت دیماک دے خلاف پرتگیزیاں نوں جی آياں نوں آکھیا تے اوہناں نوں گودام تے قلعے بنان دی اجازت دے دتی۔ 1557ء چ مسلم سلطنت دیماک دے مسلماناں نے فتح اللہ دی قیادت چ سنڈا دی ریاست دے خلاف جنگ چھیڑ دتی تے سنڈا دے حکمران پرتگیزی بیڑے دے انتظار وچ رہے، دوناں دے وچکار معاہدہ ہویا سی پر پرتگیزی بیڑا نا آیا تے فتح اللہ دیاں فوجاں نے 22 جون 1557ء نوں جکارتا نوں فتح کرلیا تے فتح اللہ نے شہر دا ناں سنڈا کلاپا توں بدل کے " جے کارتا" یعنی مکمل فتح رکھ دتا ۔