From Wikipedia, the free encyclopedia
جزائر پالاگوس ایکواڈور توں 972 کلومیٹر لہندے چ بحر الکاہل چ آتش فشانی جزیرےآں دا مجموعہ اے ۔ ایہہ یونیسکو دی عالمی ورثہ سائیٹ اے ، جس دی خاص گل اس دی جنگلی حیات اے ۔
گالاپاگوس جزیرے تے اسدے آلے دوالے دے پانی اک صوبے ، قومی پارک تے بائیولوجیکل میرین ریزرو دا حصہ نیں ۔ جزیرے دی مکھ بولی سپینی بولی اے ۔ اینہاں جزیرےآں دی آبادی 23 ہزار دے نیڑے اے ۔
ایہہ جزيرے جغرافیائی طور تے گھٹ عمر دے نیں تے اپنیاں وکھریاں قسم دیاں "سپیسیز" (حیاتیاتی اصناف) پاروں مشہور نیں ، جنہاں دا مطالعہ چارلس ڈارون نے کیتا ۔
اینہاں جزیرےآں ول پہلا بحری سفر بحری قزاق ایمبروز کوولے نے 1684ء چ کیتا ، اس نے اینہاں جزيرےآں دے ناں رکھے ۔ کجھ چر پہلے ایکواڈر دی حکومت نے جزیرےآں دی سپینی ناں رکھے ۔ اگرچہ نویں سپینی ناں سرکاری نیں پر حالے وی کئی ورتن آلے پرانے انگریزی ناں ای ورتدے نیں ۔
ایہہ جزیرے چڑھدے بحر الکاہل چ دکھنی امریکہ دے ساحل توں 972ء کلومیٹر لہندے چ واقع نیں ۔ اینہاں جزيرے دے چڑھدے چ ایکواڈور اے ، اتلے چ 720 کلومیٹر تے جزیرہ کوکوس اے تے دکھن چ 3،200 کلومیٹر تے جزیرہ ایسٹر تے جزیرہ فیلکس نیں ۔ خط استوا دے آلے دوالے پھیلے ایہہ جزيرے اتلا مخروط تے دکھنی مخروط دونہاں چ واقع نیں تے جزیرہ ازابیلا سدھا خط استوا دے اتے اے ۔ سبتوں دکھنی جزیرہ اسپانولا تے سبتوں اتلے جزیرہ ڈارون چ 220 کلومیٹر دا فاصلہ اے ۔ مجمع الجزائر گالاپاگوس دا کل رقبہ 7،880 مربع کلومیٹر اے جہڑا 45،000 مربع کلومیٹر سمندری علاقے تے پھیلیا ہویا اے ۔ سبتوں وڈے جزیرے ازابیلا دا رقبہ 4،640 مربع کلومیٹر اے تے اوہ جزائر گالاپاگوس دے کل رقبے دا ادھ توں ودھ اے ۔ جزیرہ ازابیلا تے آتش فشان وولف سبتوں اچی تھاں اے جہڑی سمندر دی پدھر توں 1،707 میٹر اچی اے ۔
اس جزیرے دے گروہ چ 15 وڈے جزيرے ، 3 نکے جزیرے تے 107 سمندری چٹانان تے ٹاپو شامل نیں ۔
15 وڈے جزیرےآں (جنہاں دا رقبہ 1 مربع کلومیٹر تں ودھ اے) دے ناں ایداں نیں :-
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
