کیلا
From Wikipedia, the free encyclopedia
کیلا اک عام کھادے جانوالے پھل دا ناں اے جیہڑے اک وڈے پھلوالے کیلا ٹبر دیاں کئی ونڈاں تے ہوندا اے۔ ایہہ فروٹ ناپ رنگ اتے پینڈے ہون وچ وکھرا وہندا اے۔ عام وکھالے وچ ایہہ لما، مڑیا جیہدا گودا نرم اَتے نشاستے والا ہوندا اے۔ ایہدا چھلڑ ہرا، پیلا، لال، جامنی اتے پکن اتے پشرا ہوسکدا اے۔ فروٹ اک گچھے وانگوں لگدا اے جیہڑا رکھ دے اُتّے لگدا اے۔ اجکل کھادے جانوالے بخیر بی دے کیلے دو ونڈاں توں بنے نیں جنہاں د جور موسا ٹوکرے توں اے۔ ایہہ ٹراپیکی ہندی ملایا اتے اسٹریلیا دے واسی نیں۔ خورے ایہہ پہلی واری پاپوا نیوگنی وچ اگاۓ گۓ اَتے ہن جگ دے 107 دیساں وچ اگدے نیں۔
![Thumb image](http://upload.wikimedia.org/wikipedia/commons/thumb/d/de/Bananavarieties.jpg/320px-Bananavarieties.jpg)
![Thumb image](http://upload.wikimedia.org/wikipedia/commons/thumb/e/e4/Luxor%2C_Banana_Island%2C_Banana_Tree%2C_Egypt%2C_Oct_2004.jpg/640px-Luxor%2C_Banana_Island%2C_Banana_Tree%2C_Egypt%2C_Oct_2004.jpg)
کیلا فروٹ دے نال نال بوٹے دا ناں وی اے۔ بوٹے لمے اتے چنگے تکڑے ہوندے نیں اتے پلیکھے نال ایہناں نوں رکھ کہیا جاندا اے۔ ایہدا جیہڑا تنا دسدا اے اوہ چؤٹھا تنا ہوندا اے۔ کیلا کسے وی زمین وچ ہوسکدا اے پر ایہہ گھٹو گھٹ 60 سینٹی میٹر ڈونگھا ہووے، پاݨی رکدا نہ ہووے اَتے زمین پینڈی نہ ہووے۔