کھیرا

کھیرا کدو ٹبر دا چوکھا اگانوالا اک بوٹا اے۔ ایہ اک ویل ہوندی اے جیدے تے لمبوترا فروٹ لگدا اے جیہڑا کھان پین وچ کم اندا اے۔ ایس دا اصل دیس دکھنی ایشیاء اے۔

کھیرا
پچھان
دیس:	بوٹے
برادری:	پھلوالے بوٹے
برادری:	کدو ٹبر
سائینسی ناں:	Cucumis sativus

وکھالہ

کھیرا اک ویل اے جیدیاں جڑاں زمین وچ ہوندیاں نیں پر اپنے ٹنگنیاں نال لاگے دے بوٹیاں تے چڑھ جاندی اے۔ ایھدے پتے ایہدے پھل تے چھتری کردندے نیں۔ کھیرے دا پھل لما تے گول ہوندا اے جیدے انت پدھرے ہوندے نیں۔ ایہ 6 انچ توں لے کے اک فٹ تک لمبی ہو سکدی اے ایدے چھلڑ لا دیندے نیں تے گودا کھا جاندے نیں۔ اینوں زیادہ تر سلاد لئی ورتیا جاندا اے۔ کھیرا 90% پانی ہوندا اے۔

کھیرا پورا تے لمبائی وچ کٹیا ہویا

تریخ

کھیرے دا اصل دیس ہندستان اے جتھے ایہ پچھلے 3000 وریاں توں اگایا جاریا اے۔ ایہنوں خورے رومی یا یونانی یورپ لے گۓ۔ لکھتاں وچ ایہ 9ویں صدی وچ فرانس، 12ویں صدی وچ برطانیہ تے 16ویں صدی وچ امریکہ اگایا جاریا سی۔

ورتن

کھیرے سلاد لئی عام کھادا جاندا اے۔ لوک ایہنوں چھل کے ٹوٹے کرکے کھاندے نیں یا چھلے بنا ای کھاجاندے نیں۔ ایہدا اچار وی پایا جاندا اے۔

اگائی

دنیا وچ سب توں چوکھا کھیرا چین وچ اگایا جاندا اے۔

کچا کھیرا
100 گرام کھیرے دی بنتر
انرجی:	65 کلوجاؤل
کاربوہائیڈریٹ:	3.63 گ
شکراں:	1.67 گ
فائبر:	0.5 گ
چربی:	0.11 گ
پروٹین:	0.65 گ
پانی	95.23 گ

بارلے جوڑ