From Wikipedia, the free encyclopedia
کارل ایڈورڈ سیگن (9 نومبر 1934 - 20 دسمبر 1996) امریکی لکھاری سائینس نوں اگے ودھان والا تاریاں دی پڑھت دا گرو تے کارنل یونیورسٹی دا پروفیسر سی۔ انے 600 سائنسی مقالے تے 200 کتاباں لکھیاں. او سایئنسی شکی جان پھڑک تے سایئنسی ول ورتدا سی۔ انے پہلی واری ایگزو بیالوجی تے کم شروع کیتا۔ انے زمین توں باہر سیانی مخلوق دے وجود دی کھوج دے کم نو اگے ودھایا۔
کارل ایڈورڈ سیگن | |
جمیا: | 9 نومبر 1934 |
مریا: | 20 دسمبر 1996 |
جمن پو: | نیو یارک شہر امریکہ |
کم : | تارہ گرو |
گن: | سائینس نوں اگے ودھان والا |
کارل نو 1983 وچ اک ٹیلیویژن پروگرام "کوسموس" دی میزبانی کرن توں کافی مانتا لبی۔
کارل بروکلین امریکہ وچ اک یہودی ٹبر وچ اکھ کھولی۔ اوہدا پیو کپڑے دے کاروبار وچ کم کرن آلا تے روسی مہاجر سی۔ کارل دی ماں نیویارک دی رہن والی سی۔ کارل دا ٹبر زیادہ مذہبی نئی سی سوائے اوہدی ماں دے۔ کارل دے مطابق اوہنوں سایئنسی جان پھڑک دا شوق ما پیو تو لبیا، اپنے ماں پیو لئی او کہندا سی: " میرے ماں پیو سایئنسدان نئی سن۔ او سایئنس دے بارے وچ کج نئی جاندے سن۔ پر انا نے مینو سایئنسی شک کرنا تے حیران ہونا سکھایا،اے دونو ای سایئنسی ول لئی ضروری نے۔"
ابتدائی سکول توں ای کارل نے قدرت دے بارے کھوج شروع کر دتی۔ پنج سال دی عمر توں ای انے لائبریری جانا شروع کر دتا۔ بچپن توں ای او لوکاں کولوں تاریاں دے بارے وچ پچھدا سی۔
سیگن نے پہلی واری وینس (سیارہ) دی اتلی سطح دا درجہ حرارت کھوجیا۔ 1960 چ اس سیارے دی حالت بارے کوئی نئی جاندا سی، سیگن نے پہلی واری کھوج کیتی کہ اس سیارے دا درجہ حرارت 500 سینٹی گریڈ تے 900 ڈگری فارن ہائیٹ تک ہو سکدا اے۔
سیگن اوناں پہلاں لوکاں چ شامل چی جناں نے تکا لگایا کہ زحل دے چن ٹائیٹن تے مائع مادیاں دے سمندر ہو سکدے نے، تے مشتری دے چن یوروپا دی اتلی سطح تے پانی دے سمندر ہو سکدے نے۔ سیگن نے ایہ وی دسیا کہ ٹائٹن دے رتے رنگ دی وجہ اوہدے تے موجود اوکھے نامیاتی مادے نے۔
ایس توں علاوہ اوہنے مریخ تے ہون آلی ماحولیاتی تبدیلیاں بارے وی دسیا۔
سیگن اپنی "دھرتی توں باہر جیون" دی کھوج لئی مشھور اے، ایہدے لئی اوہنے شعاواں نال بنن آلے امائینو ایسڈ بنان دی کوشش کیتی۔
1994 اچ اوہنوں عوام دی پعلائی واسطے کم کرن لئی نیشنل اکیڈمی آف سائینس دی طرفوں میڈل دتا گیا۔
سیگن سوہنے ول نال خیالاں نو سمجھانا جاندا سی، ایہدی وجہ توں لوکاں نے کائنات نوں بہتر طور تے سمجیا۔
سیگن نے اک مشھور ٹیلی ویژن سیریز "کاسموس، اے پرسنل ووئج" لکھی تے پروڈیوس کیتی۔ کاسموس چ سیگن نے جیون دے مڈھ تے کائنات چ ساڈی حیثیت بارے کھوج کیتی۔
سیگن نے کائنات چ زمین توں باہر جیون لبن لئی ریڈیو ٹیلی سکوپ دے استعمال دا مشورہ دتا۔
سیگن نے سرد جنگ دے دوران لوکاں نو نیوکلیائی جنگ دے نقصانات بارے آگاہی دین دی کوشش کیتی۔
سیگن نے سائینس نوں مشہور کران لئی بہت ساریاں کتاباں لکھیاں، جیدے چوں "آ پرسنل ووئج" زیادہ مشہور ہوئی، تے انگریزی چ بکن آلی سب توں مشہور سائنس دی کتاب بن گئی۔
سیگن دا ایہہ مننا سی ک زمین توں باہر جیون موجود ہو سکدا اے، پر اے وی ممکن اے جے ترقی دی راہ تے لگی تہزیباں اپنے آپ نوں ختم کر لین۔ ایس گل نے اوہدے اندر زمین تے زندگی نوں بچان لئی تڑپ پیدا کیتی تے اوہنے نیوکلیائی ہتھیاراں دے خلاف آواز اچی کیتی۔ او زمین تے پائی جان آلی زنددگی نوں ،تباہی پھیلان آلے ہتھیاراں توں بچانا چاہندا ای تے جنگاں دے خلاف سی۔
سیگن نے ترے ویاہ کیتے; پہلا ویاہ 1952 چ اک بائیو لوجسٹ لین مارگولیس نال؛دوجا ویاہ 1968 چ اک آرٹسٹ لنڈا سیلزمین نال تے تیجا ویاہ 1981 چ این ڈرویان نال کیتا۔ پہلی بیوی نال دو بچے ہوئے ڈوریون سیگن تے جیریمی سیگن؛ دوجی بیوی نال اک بچی نک سیگن تے تیجی بیوی نال دو بچے الیگزینڈرا ساشا سیگن تے سیموئیل ڈیموکرائیٹس سیگن سن۔
سیگن آزاد خیال تے مشکک سی۔ خدا بارے اوہدے سیانے بول مشھور نے۔ اوہنے دھرم تے سائینس بارے لکھیا۔ او کسے دھرم نو نئی مندا سی۔
1996 چ سیگن خون دی اک بیماری دی وجہ توں مریا۔
اوہنوں مرن توں بعد کافی شہرت لبی تےانعام تے میڈل دتے گئے۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.