From Wikipedia, the free encyclopedia
اس دا اصل ناں روشن اختر سی‘ اوہ شاہ جہاں حجستہ اختر دا بیٹا تے شاہ عالم بہادر شاہ اول دا پوتا سی‘سید برادران نے اسنوں جیل توں رہیا کرایا تے 17 ستمبر 1719ء نوں تخت اُتے بٹھا دتا‘ اس نے اپنے لئی ناصر الدین محمد شاہ دا لقب پسند کیتا لیکن تریخ نے اسنوں محمد شاہ رنگیلا دا ناں دے دتا‘محمد شاہ رنگیلا اک عیش طبع غیر متوازن شخص سی‘ چوبیس گھنٹے نشے وچ دھت رہندا سی تے رقص و سرود تے فحاشی و عریانی دا دل دادہ سی‘ اوہ قنون بنانے تے قنون توڑنے دے خبط وچ وی مبتلا سی‘ اوہ اک ایسا پارہ صفت انسان سی جو اچانک کسے شخص نوں ہندوستان دا اعلیٰ ترین عہدہ سونپ دیندا سی تے جدوں چاہندا وزیر اعظم نوں کھڑے کھڑے جیل بھجوا دیندا سی۔
اوہ اکثر دربار وچ ننگا آ جاندا سی تے درباری وی اس دی فرماں برداری تے اطاعت گزاری وچ کپڑے اتار دیندے سن‘ اوہ بعض اوقات جوش اقتدار وچ دربار وچ سرے عام پیشاب کر دیندا سی تے تمام معزز وزیراں‘ دلی دے شرفاء تے اس وقت دے علما تے فضلاء واہ واہ کہہ کر بادشاہ سلامت دی تعریف کردے سن‘ اوہ بیٹھے بیٹھے حکم دیندا سی کل تمام درباری زنانہ کپڑے پہن کےر آؤن تے فلاں فلاں وزیر پیر وچ گھنگرو بنھن گا تے وزیراں تے درباریاں دے کول انکار دی گنجائش نہیں ہوندی سی‘ اوہ دربار وچ آندا سی تے اعلان کردیندا سی جیل وچ بند تمام مجرماں نوں آزاد کر دتا جائے تے اِنی ای تعداد دے برابر ہور لوگ جیل وچ پا دتے جان‘ بادشاہ دے حکم اُتے سپاہی شہراں وچ نکلدے سن تے انہاں نوں راستے وچ جو وی شخص ملدا سی اوہ اسنوں پکڑ کے جیل وچ سٹ دیندے سن‘ اوہ وزارتاں تقسیم کرنے تے خلعتاں پیش کرنے دا وی شوقین سی‘ اوہ روز پنج نویں لوکاں نوں وزیر بناندا سی تے سو پنجاہ لوکاں نوں شاہی خلعت پیش کردا سی تے اگلے ای دن ایہ وزارتاں تے ایہ خلعتاں واپس لے لیاں جاندیاں سن‘ اوہ طوائفاں دے نال دربار وچ آندا سی تے انہاں دیاں لتاں‘ بازوآں تے پیٹ اُتے لیٹ کے کاروبار سلطنت چلاندا سی‘ اوہ قاضی شہر نوں شراب نال وضو کرنے اُتے مجبور کردا سی تے اس دا حکم سی ہندوستان دی ہر خوبصورت عورت بادشاہ دی امانت اے تے جس نے اس امانت وچ خیانت کیتی اس دی گردن مار دتی جائے گی تے اس نے اپنے دور وچ اپنے عزیز ترین گھوڑے نوں وزیر مملکت دا سٹیٹ دے دتا تے ایہ گھوڑا شاہی خلعت پہن کے وزیراں دے نال بیٹھدا سی‘ محمد شاہ رنگیلا کثرت شراب نوشی دے باعث 26 اپریل 1748ء نوں انتقال کر گیا
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.