جیون
سوہن سنگھ سیتل دا جم 7 اگست 1909 نوں پنڈ کادیونڈ، تحصیل قصور، ضلع لاہور (پاکستان) وچ ماں دیال کور تے پیؤ سردار خوش حال سنگھ پنوں دے گھر ہویا سی۔
پڑھائی
اوہناں نے پنڈ دے گرنتھی پاسوں پنجابی پڑھنی سکھ لئی ۔ سنّ1923 وچ 14 سال دی عمرے لاگلے پنڈ ورن دے سکول دوجی جماعت وچ داخل ہو گئے تے کجھ مہینے بعد ہی ستمبر 1923 وچ اوہناں نوں چوتھی جماعت وچ اتے 1924 دیاں نویاں کلاساں شروع ہون ویلے پنجویں جماعت وچ داخلہ مل گیا۔ 1930 وچ اوہناں نے گورنمنٹ ہائی سکول قصور توں دسویں فسٹ ڈویزن وچّ پاس کیتی ۔1931 وچ اوہناں دے پیؤ خوش حال سنگھ پنوں اکال چلانا کر گئے۔ 1933 وچ پنجاب یونیورسٹی لاہور توں گیانی دی پریکھیا(امتحان) پاس کر لئی۔[1]
مڈھلیاں رچناواں
باراں-تیرھاں سال دی عمر وچّ اوہناں نے کویتا(شعر) لکھنی شروع کر دتی سی۔ 1924 وچ اوہناں دی کویتا پہلی وار 'اکالی' اخبار وچ چھپی۔ 1927 وچّ اوہناں دی کویتا 'قدرت رانی' کلکتے توں چھپن والے پرچے 'کوی' وچ چھپی۔ ایہہ کویتا اوہناں دیاں شعری مجموعے ( کویتاواں دے سنگریہہ) 'سجرے ہنجھو' وچ شامل اے۔ 1932 وچّ اوہناں نے کجھ کہانیاں وی لکھیاں جو مہینہ وار رسالے وچ وی چھپیاں۔ اوہناں دیاں کہانیاں 'قدراں بدل گئیاں'، ' اجے دیوا بل رہا سی' اتے 'جیب کٹی گئی' خاص کر جکریوگ (قابل ذکر) نیں۔[2]
پروار
اٹھویں وچ پڑھدیاں 10 ستمبر 1927 نوں سیتل جی دی شادی بیبی کرتار کور نال ہوئی۔ ایہناں دے گھر تنّ پتر اتے اک بیٹی نے جنم لیا ۔
ڈھاڈی جتھا
1935 ای. وچ اوہناں نے اک ڈھاڈی جتھا بنایا۔ اس جتھے دے آگوُ اوہ آپ سن۔ کادیونڈ توں ستّ-اٹھ میل دور نگر 'للیانی' دے بزرگ مسلمان بابا چراغ دین پاسوں اوہناں نے ڈھڈّ تے سارنگی دی سکھلائی لئی۔ اوہ پڑھے-لکھے اتے سکھ اتہاس دی اتے ہندی، پنجابی، اردو، انگریزی کئی بولیاں دی جانکاری رکھدے سی تے اوہ ویاکھیاکار وی چنگے سن۔ اس توں علاوہ اوہ اک چنگے کوی(شاعر) وی سن۔ اوہ گاؤن لئی واراں وی آپ لکھ لیندے سن۔ تھوڑھے سمیں وچ ہی اوہناں نوں ڈھاڈی دے طور 'تے چنگی پرسدھی (مشہوری) پراپت(حاصل) ہو گئی۔ ہولی ہولی اوہناں نوں ودیشاں توں وی سدے آؤن لگ پئے۔ 1960 وچ اوہ برما، تھائی لینڈ، سنگاپور اتے ملائشیا گئے۔ 1977 وچ انگلینڈ اتے کینیڈا دا دورہ کیتا۔ انگلینڈ وچ اوہناں نے ولورہینپٹن، ساؤتھینپٹن، والسل، برمنگھم، ڈڈلی، بریڈ فورڈ، کوینٹری، ٹیلفورڈ، لمنگان، بارکنگ، سمیدک اتے ساؤتھ ہال دیاں تھاواں 'تے دیوان کیتے۔ 1980 وچ اتے فیر 1981 وچ اوہناں نے انگلینڈ اتے کینیڈا وچّ دیوان کیتے۔[3]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
