![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9f/Marin_bike.jpg/640px-Marin_bike.jpg&w=640&q=50)
سائیکل
From Wikipedia, the free encyclopedia
سائیکل (انگریزی:Bicycle)، انسانی زور اُتے چلݨ آلی اک مشین اے جیہدے وچ دو پہیے اکو سیدھ وچ لگے ہُندے نیں۔ ایہنوں پیڈل مار کے اک چین دے ذریعے توں چلایا جاندا اے۔ سائیکلاں انیہویں صدی وچ ایجاد کیتیاں گئیاں سن تے ہُݨ ساری دُنیا وچ بہت عام ہو گئیاں نیں۔ ایہناں دی تعداد اک بلیئن دے لگ بھگ اے۔ ایہ تعداد گڈیاں دی تعداد توں دُگݨی اے۔ دُنیا وچ کچھ تھانواں اُتے سائیکلاں نوں ای پرائمری سواری دے طور تے ورتیا جاندا اے۔ ایہناں نوں سپورٹس واسطے تے ایکسرسائز واسطے وی ورتیا جاندا اے۔ 1885ء وچ جیہڑا چین توں آغاز ہوݨ آلا سائیکل بݨایا گیا سی اوہدی شکل ہُݨ تک تقریبن اوسے حالت وچ اے، پَر جدید ٹیکنالوجی دے استعمال نال اوہناں دے ڈیزائن وچ نِکیاں تبدیلیاں کیتیاں گئیاں نیں۔ اس توں علاوہ سائیکلاں نوں ہلکا بݨایا گیا اے۔
![Thumb image](http://upload.wikimedia.org/wikipedia/commons/thumb/5/54/Ducati-corse-factory-900xr-01-1280.jpg/640px-Ducati-corse-factory-900xr-01-1280.jpg)
![Thumb image](http://upload.wikimedia.org/wikipedia/commons/thumb/9/9f/Marin_bike.jpg/640px-Marin_bike.jpg)
سائیکلاں دی ایجاد نے انسانی ٹیکنالوجی نوں اگے ودھݨ وچ بہت مدد دتی اے۔ سائیکلاں نے انسانی تہذیب اُتے بہت اثر پایا کیونکہ ایہ اک سستی سورای سی۔ سائیکلاں واسطے کچھ چیزاں دی ایجاد کیتی گئی سی اوہناں نوں گڈی دی تیاری واسطے وی ورتیا گیا۔ اس لحاظ نال سائیکل دی ایجاد تے ٹیکنالوجی انسانی تریخ وچ بہت اہم حیثیت رکھدی اے۔