دوشنبہ

تریخ

دوشنبہ دو دریاواں وارزاب دریا تے کافرنہان دریا دے سنگم اتے واقع اے ۔ اوداں تاں اس علاقے چ 5ویں صدی ق م دے آثار قدیمہ دریافت ہوئے نیں ، پر 20ویں صدی دےشروع تک دوشنبہ اک پنڈ ای سی ۔ 1920ء چ امارت بخارا دے آخری امیر میر عالم خان نے بالشویک انقلابیاں دے بخارا اتے مل دے مگروں دوشنبے چ کجھ چر لئی پناہ لئی سی ۔ اگلے سال لال فوج دے اس علاقے اتے مل مارن مگروں اوہ افغانستان نس گیا ۔

دوشنبہ جسدا تاجک بولی مطلب "سوموار" اے ، ایہ دوشنبہ بازار ناں دے سوموار منڈی پنڈ دی تھاں اتے ودھیا ۔ تاجک سویت اشتراکی لوکراج 1929ء چ قایم کیتا گیا ، اس دے مگروں دوشنبے نے بوہت تیزی نال ترقی کیتی ۔ 1931ء توں 1961ء وشکار شہر دا ناں ستالن آباد رہیا ۔ سویت یونین نےاس علاقے نوں کپاہ تے ریشم دی پیداوار دا مرکز بنا دتا تے نکھاں لوکاں نوں شہر چ وسایا ۔ شہر دی آبادی اوس ویلے وادھا ہویا جدوں سمرقند تے بخارا دے تاجک شہر ازبک سویت اشتراکی لوکراج نوں دے دتے گئے تے ہزاراں تاجکاں نے اس شہر ہجرت کیتی ۔ فروری 1990ء چ بوہت بھیڑے فساد ہوئے ، کیونجے ایہ افواہ سی کہ ماسکو کئی لکھ آرمینی پناہ گیراں نوں تاجکستان چ بسان دا ارادہ رکھدا اے ۔