From Wikipedia, the free encyclopedia
خالصہ دربار اتے ہندستان وچ قائم انگریزی راج دیاں فوجاں وچکار ہوئی جنگ جس نال سکھ راج دے علاقیاں نوں انگریزی سامراج وچ شامل کیتا گیا ۔ اصل وچ دوجی انگریز-سکھ لڑائی،انگریز حکمراناں ولوں اوہناں سکھاں اپر قابو پاؤن لئی لڑیا گیا جو ایہہ سمجھکے کھجھے ہوئے سن کہ پہلی اینگلو سکھ جنگ وچ خالصہ فوج انگریزی فوجاں کولوں اپنے ہی کمانڈراں دی غداری جاں انگریزاں دی سازشاں کارن ہاری سی ۔ پر اس دا مکھ کارن نویں گورنر-جنرل لارڈ ڈلہوزی ( 1848–58 ) دی سامراجی خواہشاں دی تکمیل اتے بھارت وچ انگریزی راج نوں شمال مغرب دیاں قدرتی حداں تک پہنچاؤن دی پالیسی سی ۔
پہلی اینگلو سکھ جنگ دے اخیر وچ مارچ 1846 دے معاہدے مطابق بریٹیش فوج نے سال دے انت وچ لاہور توں واپس چلے جانا سی مگر ایہہ معیاد ختم ہون توں پہلاں ہی سکھ سرداراں اتے دھکو-زوری اک ہور معاہدہ تھوپ دتا گئیا ۔ گورنر جنرل،ہینری ہارڈنگ دے خاص سفیر،فریڈرک کری نے سازشاں کرکے خالصہ دربار دے سرداراں پاسوں بینتی پتر لے لیا جس وچ انگریزی فوج نوں لاہور وکھے تعینات رکھن لئی کیہا گیا ۔ سٹے وجوں 16 دسمبر 1846 نوں بھیرووال وکھے اک نویں معاہدہ کیتا گئی جس مطابق ہینری لارنس نوں لاہور وکھے ریزیڈینٹ تعینات کیتا گیا اتے خالصہ راج دے علاقیاں وچ راج-کاج چلاؤن دے سبھ اختیار اس نوں سونپ دتے گئے ۔ ریزیڈینٹ دے نامزد میمبراں دی کونسل آف ریجینسی مڑ اساری کیتی گئی جس دا مکھی تیز سنگھ نوں تعینات کیتا گیا ۔ انگریزاں نوں امن-قانون قایم رکھن لئی انمتھے ویلے لئی سکھ راج دے علاقیاں وچ تعینات رہن توں چھوٹ دے دتی گئی ۔ اس معاہدے دا مہاراجہ دلیپ سنگھ دے 16 سال دی عمر ہو جان تک لاگوُ رہنا متھیا گیا ۔ جولائی 1847 نوں گورنر جنرل ولوں جاری ہوئے اک ہور اعلان مطابق ریزیڈینٹ دے اختیاراں وچ ہور وادھا کر دتا گیا ۔
23 اکتوبر 1847 نوں سر ہینری ہارڈنگ نے ہینری لارنس نوں ایہہ پتر لکھیا :
مہاراجے دی نابالغی دوران ساڈیاں ساریاں کیتیاں گئیاں کاروائیاں ولوں ایہہ واضع کرنا چاہیدا اے کہ مارچ 1846 دی لاہور دے معاہدے دا منشا پنجاب نوں اک آزاد کھیتر بنائی رکھنا نہیں سی ۔ معاہدے وچ شامل کیتی گئی دفعہ 1 مطابق اس علاقے دا مکھی نہ آپ جنگ دا اعلان کر سکدا اے اتے نہ ہی کوئی امن معاہدہ ۔ اوہ تاں اک ایکڑ زمین وی کسے دے ناں تے تبدیل نہیں کر سکدا اتے نہ ہی ویچ سکدا اے ۔ اس نوں اک یورپین افسر وی بھرتی کرن دی کھل نہیں ۔ اوہ اپنے علاقیاں وچ سانوں رستہ دین توں وی انکار نہیں کر سکدا اے ۔ اصلیت ایہہ اے کہ اوہ ساڈی پروانگی توں بناں کوئی وی کم نہیں کر سکدا ۔ اصل وچ اتھوں دے جدی شہزادے ہتھکڑیاں نال بجھے ہوئے ساڈی سرکھیا ماتحت ہن اتے ساڈی مرضی مطابق ہی کم کرنگے ۔ `
اک بریٹیش اتہاسکار،جوہن کلارک مارشمین،دے شبداں وچ - ‘ اصل وچ کمپنی دے توپخانے دا اک افسر رنجیت سنگھ دا وارث بن گیا ۔ ` سکھاں نے پنجاب وچ اس طرحاں اپنی طاقت ختم ہون تے غصہ ظاہر کیتا ۔ لاہور وکھے نویں سرکار پورن طور تے بدنام ہو گئی ۔ جالندھر دواب وچ جگیراں دے ختم کرن نال اتے مالیا نظام وچ تبدیلیاں کرن اتے مالیا اگراہن کارن زمیداراں وچ بے چینی پھیل گئی ۔ مہارانی جند کور ( جس بارے لارڈ ڈلہوزی دا کہنا سی کہ اوہ پنجاب وچ اکلی عورت سی جس وچ مرداناپن سی اتے برطانوی ریزیڈینٹ مطابق سکھ دیش بھگت اس دوآلے اکٹھے ہو سکدے ہن ) نوں سخت نگرانی ہیٹھ رکھیا گیا ۔ ہینری لارنس نے ایہہ حکم چاڑھ دتا کہ مہارانی اک مہینے وچ صرف پنج جاں چھ سرداراں نال ہی وچار-وٹاندرا کر سکدی سی اتے اوہ نیپال،جودھپور دے راج گھرانیاں دیاں عورتاں وانگ پردے وچ ہی رہے ۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.