From Wikipedia, the free encyclopedia
جرمن اک لیندی جرمن بولی اے تے اینج اے ڈچ تے انگریزی نال رلدی اے۔ اے دنیا دیاں وڈیاں بولیان چوں اے تے یورپی یونین دی سب توں وڈی بولی اے۔ دنیا ج 12 کروڑ لوکاں دی اے مان بولی اے تے 8 کرور لوک اینوں جاندے نیں۔ سٹینڈرڈ جرمن سکولاں کالجاں یونورسٹیاں تے گوئٹے انسٹیٹیوٹاں چ پڑھائی جاندی اے۔
| جرمن | |
| Deutsch / Deutsche | |
 | |
| بولن والے دیس: | جرمنی، آسٹریا، سویٹزرلینڈ |
| بولن والے: | 12 کروڑ لوک |
| بولی ٹبر: | ہند یورپی بولیاں |
| لپی: | رومن |
| دنیا چ نمبر: | 11 واں |
بول جرمن لاطینی توں آیا اے۔ اے بول پہلی واری جولیس سیزر نے ورتیا اونے جرمنی اک قبیلے دا زکر کیتا جیہڑا گال دے اتلے جڑھدے پاسے چ وسدا سے تے اینج اودر دے سارے لوک جرمن اخواۓ۔ اوہ جیہڑی بولی بولدے سن اوہ فیر جرمن اخوائی۔
جرمن لوک آپ اپنی بولی نوں ڈوئچ کیندے نیے۔ ڈوئچ دا مطلب عام لوک تے عام لوکاں دی بولی۔ اے لاطینی توں الٹ سی جیہڑے پڑھے لکھے لوکاں دی بولی سی۔ ڈچ ایدے نال رلدی بولی اے۔
جرمن جرمنی (95٪)، آسٹریا (89٪) تے سویٹزرلینڈ (65٪) چ بولی جاندی اے۔ چرمن لکسمبرگ تے لیختنشٹاین دی چوکھی ساری لوک گنتی دی وی بولی اے۔ ایدے نال اے اٹلی فرانس بیلجیم تے ڈنمارک دے کج پاسیاں چ وی بولی جاندی اے۔ ایناں دے نال جرمن یورپ دے ہور دیساں وچ وی کدرے کدرے بولی جاندی اے۔
امریکی کعراں چ بولن دے سعاب نال جرمن پنجویں وڈی (14 لکھ) بولی اے انگریزی ہسپانوی چینی تے فرانسیسی ایس توں پہلے نیں۔ انٹرنٹ تے انگریزی دے مگروں چرمن سب توں چوکھی ورتی جان والی بولی اے۔
جرمن ج سب توں پرانی لکھت نوویں صدی دی مسپلی اے۔ جرمنی اوس ویلے نکے نکے راجاں چ ونڈیا ہویا سی ایس لئی سارے لکھاری اے کردے سن جے ایس جرمن بولی ج لخیا جاۓ جینے چوکھے وڑے لوک پڑھ سکن۔
1522 چ مارٹن لوتھر نے جرمن چ بائبل چھاپی۔ 1800 دے گیڑے چ سٹینڈرڈ جرمن سامنے ان لگی۔ 1901 چ اینوں پورا پورا سٹینڈرڈ بنا لتاگیا۔ 1996 چ جرمن نوں فیر سدا کرن بارے سوچیا گیا۔
منی ہوئی یا سٹیندرڈ جرمن کسے خاص تھاں دی جرمن نیں لکھی ہوئی جرمن نون سٹیندرڈ کیا جاندا اے۔ پر فیر وی سٹینڈرڈ جرمن نے اتلے جرمنی دیاں کئی تھاواں تے اوس تھاں دی جرمن دی تھان لے لئی اے۔ لہران ج وی سٹینڈرد جرمن ای چلدی اے۔
انکریزی بولن والی دنیا چ جرمن، فرانسیسی تے ہسپانوی دے مگروں تیجی وڈی سکھی جان والی بولی اے۔ جرمن 90 توں 95 ملین تک یا 13٪ یورپیاں دی بولی اے روسی بولی دے مگروں اے یورپیاں دی سب توں وڈی ماں بولی اے۔ جیہڑی انگریزی تے فرانسیسی توں ود کے اے۔ تے اینج اے یورپی جٹ دی پہلی وڈی بولی اے۔ اے یورپی جٹ دیان سرکاری بولیان چ اک اے۔
جرمن بولی جرمن بولیاں دے ٹبر دی اک لیندی ٹعنی اے جیری ہند یورپی بولیاں دے ٹبر جوں اے۔ جرمن بولی نوں دو انکاں چ ونڈیا جاسکدا اے: ہائی جرمن تے لو جرمن۔ نال نال جڑیان ہویاں بولیان دے لوک ای اک دوجے دے بولی سمج سکدے نین دور والیان لئی سٹیندرد جرمن ای ملن دا ول اے۔
تھلویں جرمن ہانزا لیگ چ سب نوں سمج آن والی بولی سی۔ اے اتلے جرمنی دی وڈی بولی سی۔ پر 1534 چ لوتھر دے بائبل نوں اتلی جرمن ج پلٹن نال سب پلٹ گیا۔ اتلی ہائی جرمن سائینس تے ساہت دی وی بولی بن کئی۔ امریکہ تے ایشیاء نوں کاروباری رستیاں نے وی اتلے جرمنی دے راہواں دا مل کعٹا دتا۔ نالے جرمنی دے تکڑے تھان تھلویں تے وشکارلے جرمنی چ سن۔
جرمن بولی دے چوکھے سارے بول پرانی جرمن تے رلدیاں جرمن بولیاں چوں آۓ نیں. تھوڑے جۓ بول یونانی تے لاطینی توں آۓ نین تے اوس توں تھوڑے فرانسیسی توں آۓ نیں تے کج دیر توں انگریزی توں وی ارۓ نیں۔ ایدے نال نال جرمن بولی چ اے وی خوبی اے جے بدیسی بولاں نال رلے جرمن چوں ای بول بنا سکدی اے۔ نویں بول بنان دے ایس ول نال نویں صدی ج جرمن دے 40000 دے نیڑے بول سن تے لاطینی ایس کم چ بعوں پچھڑی سی۔
جرمن رومن لپی ج لکھی جاندی اے۔ جرمن چ 26 اکرے نیں۔ 3 املاؤت نیں۔
جرمن بولی نوں ورتن تے پھیلان لئی کئی ادارے کم کر رۓ نیں۔ گوئٹے انسٹیٹیوٹ یورپ چ تے دنیا چ جرمن بولی تے رہتل نوں پھیلان تے اودے بارے جانکاری دین دا اک سرکاری تے وڈا ادارہ اے۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
