ترک ہجرت
From Wikipedia, the free encyclopedia
ترکاں دی ہجرت جاں ترک مائیگریشن ترک قبیلےآں اتے ترک بولیاں دے مرکزی ایشیا، مشرقی یورپ اتے مشرق وسطی وچ وستار جاں پھیلار نوں اشارہ کردی اے، جہڑا مکھ طور تے 6 ویں اتے 11 ویں صدی وچکار ہویا ۔ ترک لوکاں دا اصل علاقہ منگولیا، دکھنی سائیبیریا، سنکیانگ اتے مشرقی وچکار ایشیا اے۔
یعقینی طور توں پچھانے گئے ترک قبیلیاں نوں 6 ویں صدی وچ جانیا گیا سی اتے 10 ویں صدی وچ زیادہتر وسطی ایشیا وچ ترک قبیلے آباد ہوگئے سن۔ ترک سلجوقی سلطنت نے اناتولیا وچ 11 ویں صدی وچ پیر جمانا شروع کر دتے ، جس دا سٹہ آخرکار ایتھے مستقل ترک آبادکاری تے ترکاں دی موجودگی نکلیا۔ اس دوران، ہور ترک قبیلیاں نے جاں آزاد دیس بنا لئے، جویں کرغیزستان، ترکمینستان، ازبیکستان آذربائیجان اتے قازقستان جاں فیر ہور دیساں وچ اپنے علاقے قایم کر لئے جویں کہ چواشیا ۔ ترک لوک اپنے اصل آبائی علاقے وچ وی وسدے نیں، جویں کہ چین وچ ایغور اتے سائیبیریا دا یاکوتیا (ساخا لوکراج) ، اتے نال ہی ترک دور مشرق اتے وچکار ایشیا دے ہور کھنڈے ہوئے تھاوان وچ وی وسدے نیں ۔