بیئر گرلز

بیئر گرلز اک برطانوی مہم جو، لکھاری تے ٹی وی پروگرام پیش کرن آلا بندہ اے۔ اوہ اپنے ٹی وی پروگرام Man VS Wild جینوں Born Survivor وی کیا جاندا اے دی وجہ توں مشہور اے۔ اوہ 35 سال دی عمر چ سب توں کم عمر جیف سکاؤٹ وی بنیا۔ اوہ 23 سال دی عمر چ ماؤنٹ ایورسٹ تے وی چڑیا۔ اوہ اپنے ٹی وی پروگراماں چ دنیا دیاں سب توں مشکل تھاواں تے جاندا اے تے اوتھے اک ہفتے چ انساناں دیاں بستیاں تک پہنچن دی کوشش کردا اے۔

جیون

بیئر گرلز اتلے آئرلینڈ چ 7 جون 1974 چ جمیا۔ اودا ٹبر سیاست نال گہرا تعلق رکھدا سی تے اودا پیو سیاستدان سی۔ اوہ ایٹن کالج تے لندن یونیورسٹی توں ہسپانوی پڑھائی چ گریجیوٹ بنیا۔ اونے اپنے پیو توں بادبانی تے پعاڑ چڑنا سکھیا۔ اونے 20 دی عمر توں پہلاں ای کراٹے چ کالی بیلٹ لے لئی۔ اونوں یوگا تے ننجوٹسو وی آندا اے۔ اوہ اٹھ ورے دی عمر چ سکاؤٹ بن گیا۔ اونوں انگریزی دے علاوہ ہسپانوی تے فرانسیسی وی آندی اے۔ اونے 2000 چ ویا کر لیا تے اودے تن پتر نیں۔ نے۔

فوج

1994 تون 1997 تک اوہ برطانیہ دی کمانڈو فوج چ پرتی ہوگیا۔ 1996 چ اوہ پیراشوٹ دے حادثے چ زخمی ہو گیا تے اودھیاں تین پسلیاں ٹٹ گئیاں تے اودی کمر دی ہڈی نوں نقصان پہنچیا جس دی وجہ توں اونے 1 سال تے 6 مہینے ہسپتال لنگا چھڑے۔ اونوں 2004 چ برطانوی نیوی نے لیفٹین کمانڈر دا رینک دتا۔

ایورسٹ

بیئر گرلز نے 16 مئی 1998 نوں ماؤنٹ ایورسٹ اتے چڑ گیا۔ اے کم اونے 23 سال دی عمر چ کیتا تے اس نال اوہ سب توں کم عمر برطانوی سی جیڑا ماؤنٹ ایورسٹ اتے چڑیا۔ اودا اے ریکارڈ اک اور برطانوی راب گانٹلٹ نے 19 وریاں دی عمر چ چڑ کے توڑیا۔ ماؤنٹ ایورسٹ تے چڑن توں پہلاں اونے 5 مہینے اس پعاڑ دی جسوسی چ لا دتے تے فیر اوہ اک سنگی نال اتے چڑ گیا۔

اچے پعاڑاں تے چڑن دی ٹیننگ آستے اوہ 22 وریاں دی عمر چ اما دبلام پعاڑ اتے چڑیا۔

دوجیاں مہم جوئیاں

• اونے 2000 چ اک ٹیم نال پورے برطانیہ جزیرے دا جیٹ سکی(نکی کشتی) اتے پھیرا کیتا۔
• 2003 چ گرلز 5 سنگیاں نال اتلا ایٹلانٹک سمندر اک کشتی چ بغییر کسی مدد دے کراس کیتا۔ اس کم ج اس دی ٹیم نے شدید طوفان، نمونیے، برفیلے پعاڑ تے برفیلی تیز ہوا دا مقابلہ کیتا تے اس کم چ اونوں برطانوی نیوی نے لفٹین کمانڈر بنایا۔
• بیئر گرلز نے 2005 چ پیراشوٹ نال دنیا دی سب توں اچی چھمبر اینجل چھمبر، وینیوزویلا دے اتوں دی اڈیا۔
• 2005 چ اونے دو سنگیاں نال رل کے 25000 فٹ دی اچائی تے کھلی ہوا چ اک غبارے چ کھانے دی پارٹی کیتی۔
• 2007 چ گرلز نے ماؤنٹ ایورسٹ دے اتوں دی پیراشوٹ نال اڈ کے ورلڈ ریکارڈ بنایا۔ اس کم چ اوہ 16000 فٹ دی اچائی توں اڈیا تے 29500 فٹ تک گیا۔ اس کم نال اونے ورلڈ ریکارڈ بنایا۔
• 2008 چ اونے اک سدھے ہوائی سرںگ چ 1 کینٹے 36 منٹ دی چھال ماری تے کج سکنٹاں نال نوا ورلڈ ریکارڈ بنایا۔

بارلے جوڑ

• ویب سائیٹ
• BearGrylls.com ویب سائیٹ
• وڈیو Archived 2009-06-26 at the وے بیک مشین