From Wikipedia, the free encyclopedia
بہمنی سلطنت جنوبی ہند دی اک سابق سلطنت اے ۔ سلطان محمد تغلق نے 1342ء وچ ظفر خان نوں جنوبی ہند (دکن) دا گورنر مقرر کیتا ۔ اس نے دکن دے سرداراں نوں اپنے نال ملا کے مرکز توں علیحدگی اختیار کیتی تے 1347ء وچ علاؤالدین حسن گنگو بہمنی دا لقب اختیار کرکے آزاد بہمنی سلطنت دی بنیاد رکھی ۔ بہمنی سلطنت چ 4 بادشاہ ہوئے جنہاں نے بہت شان و شوکت نال حکومت کیتی ۔ ایہہ سلطنت وجیانگر سلطنت دی ہندو ریاست نال اکثر برسرپیکار رہندی سی ۔ بہمنی سلاطین نے دکن چ شاندار عمارتاں تعمیر کروائیاں تے تعلیم تے زراعت نوں بہت ترقی دتی ۔ اس عہد چ دکن چ اردو زبان نے نشو نما پائی تے اسلام وی خوب پھیلیا ۔ 1490ء دے قریب بہمنی سلطنت نوں زوال آنا شروع ہوگئیا ۔ 1538ہ چ اسدا خاتمہ ہوگئیا تے اسدے علاقیاں تے5 چھوٹیاں سلطنتاں برید شاہی سلطنت ، عماد شاہی سلطنت ، نظام شاہی سلطنت ، عادل شاہی سلطنت تے قطب شاہی سلطنت دیاں بنیاداں رکھیاں گئیاں ۔
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
