برتولت بریخت

جیون

بریخت دا جم 10 فروری 1898 نوں جرمنی دے باویریا صوبے دے اؤگسبرگ قصبے وچ ہویا۔ بریخت دے پیؤ بیرتھولڈ فریڈرش بریکھت اک کیتھولک اتے اسدی ماں اک پروٹیسٹینٹ سن۔ بریخت دا جم جس گھر وچ ہویا سی ہن اوہ گھر بریخت دے میوزیئم دے ناں توں جانیا جاندا اے۔ بریخت دے پیؤ اک پیپر میل وچ وچ کم کردے سن اتے 1914 وچ اسدے پیؤ نوں مینیجنگ ڈائریکٹر چنیا گیا۔ بریخت دی ماں کارن اسنوں بائیبل دا علم سی جسدا اثر اسدی لکھتاں وچ وی ویکھن نوں ملدا اے۔ بریخت نے اؤگسبرگ شہر وچ ہی اپنی مڈھلی پڑھائی کیتی اتے بعد نوں 1917 وچ میونخ یونیورسٹی وچ ڈاکٹری وچ داخلہ لیا۔ پہلی جنگ عظيم دے اخیرلے سال اوہ فوج وچ بھرتی ہو گیا۔ پر ڈاکٹری دی پڑھائی ہون کارن اک ہسپتال وچ ہی کم مل گیا۔ اس ویلے دے تجربہ جیون بھر زندگی اسدی نفسیات تے چھائے رہے۔ مارکسزم توں راغب ہو کے اس نے اپنی کلا راہیں سرمایہ داری نظریہ اتے قدراں-قیمتاں دا اصلی خاصہ اپنے ناظرین اتے سروتیاں ساہمنے رکھیا۔

30 جنوری 1933 نوں جدوں ہٹلر دا جرمنی اُتے قبضہ ہو گیا تاں بریخت دی انت ہین جلاوطنی دا دور شروع ہو گیا۔ اوہ پردیساں وچ بھٹکدا سچ اتے منکھتا دے سوہنے مستقبل لئی لکھدا رہا۔

مئی 1955 وچ کلا ساہت وچ اس دے کم لئی اسنوں لینن انعام ملیا۔ اسے ویلے ماسکو وچ ہی 14 اگست 1956 نوں دل دا دورہ پین کارن اس دی موت ہو گئی۔