From Wikipedia, the free encyclopedia
برانڈنبرگ بوآ جرمنی دے شہر برلن دا بوآ سی تے ہن اس شہر دا نشان اے۔ ایہ شہر دے وشکار لیندے پاسے انتر دن لندن تے پیرسر پلاٹز دے نال کرکے اے۔ ایہ شہر دیاں اوناں 18 بوویاں چوں اک اے جناں چوں لنگ کے شہر چ وڑی دا سی۔ ریشتاگ ایدے اتلے پاسے کرکے اے۔ پرشیا دے بادشاہ فریڈرک II نے ایس نوں امن دی نشانی لئی 1788-91 چ بنوایا۔ 2000-2002 چ اینوں دوبارہ ٹھیک کیتا گیا۔
برانڈنبرگ بوآ | |
![]() | |
تھاں: | برلن، جرمنی |
بنن ویلہ: | 1788 - 1791 |
سٹائل: | نواں کلاسیکی |
ایہ بوآ پرشیا دے بادشاہ فریڈرک ولیم نے امن دی نشانی لئی بنوایا۔ ایہدا وکھالہ کارل گوٹہارڈ لانگہانز نے بنایا جیہڑا کہ درباری مستری سی۔ ایس تھاں تے اک پہلے وی بوآ ہے سی اوہنوں ہٹا دتا گیا تے ایہ 1788 توں 1179 دے وشکار بنایا گیا۔ بوۓ وچ کل 12 تھم نیں۔ 6 اک پاسے تے 6 دوجے پاسے تے اینج ایہناں وچوں 5 رستے بندے نیں۔ ایہ تھم ڈورک نمونے تے بنے نیں۔ بوۓ اتے 4 گھوڑیاں دی رتھ اے۔ ایس رتھ نوں یوہان گوٹفرائیڈ شیڈو نے بنایا سی۔ بوۓ دا پہلا ناں امن بوآ سی۔ ایہ بوآ ایتھنز یونان دے پروپائلہ ورگا اے۔
برانڈنبرگ بوۓ نال جرمن تریخ دیاں کئی گلاں جڑیاں ہویاں نیں۔ 1806 نوں پرشیا نوں ہرا کے نیپولین ایس بوۓ تے آیا سی تے بوۓ اتے لگی رتھ لآ کے پیرس لے گیا۔ 1814 نوں پرشیائی فوج ایہ رتھ واپس لیائی تے ایہدے وج تبدیلیاں کرکے فیر بوۓ اتے لا دتا گیا۔ نازیاں نے ایس بوۓ نوں وی اپنی نشانی بنایا۔ دوجی وڈی لڑائی وچ ایس بوۓ نوں وی ٹٹ پج سہنی پئی۔ 13 اگست 1961 نوں لیندے تے چڑھدے برلن دے وشکار برلن کند بنادتی گئی جیہڑی ایس بوۓ دے نالوں لنگھدی سی۔ 1989 وچ ایہ کند ڈھادتی گئی۔ برلن اک ہوگیا۔
![]() |
وکیمیڈیا کامنز چ مورتاں: برانڈنبرگ بوآ |
برانڈنبرگ بوآ · ریشتاگ · برلن کند · برلن گرجا · سانسوسی · شارلٹن برگ محل · مرمر محل · قیصر ولیم میموریل گرجا · نواں محل · سوویٹ لڑائی چیتا · التس میوزیم · رتہ ٹاؤن ہال · جت دا کالم · سائینسی پھلواری برلن · برلن ریلوے سٹیشن · تیرگارتن · انتر دن لندن · شٹراسے دس 17 جونی · کانگرس ہال برلن · نواں میوزیم · یاری دا مندر · نواں واخے · جرمن چانسلری · فرنزہٹرم برلن
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.