بایزید بسطامی
From Wikipedia, the free encyclopedia
بایزید بسطامی جو شيخ أبو يزيد البسطامی تے طیفور ابویزید بسطامی دے ناں توں وی جانے جاندے نیں ، اصل ناں أبو يزيد طيفور بن عيسى بن شروسان البِسطامِی[2] تے کنیت ابو یزید اے۔ فارس(ایران) دے صوبے بسطام[3] وچ پیدا ہوئے۔ بسطامی تساں دے ناں دے نال اسی نسبت توں لگایا جاندا اے۔ تساں دے آباؤ اجداد مجوسی سن جو بعد وچ اسلام ول راغب ہو گئے۔[4] بسطام اک وڈا قریہ اے جو نیشاپور دے راستے وچ واقع اے تساں دے دادا دے تن بیٹے سن،آدم، طیفور (بایزید دے والد)تے علی ایہ سارے وڈے ای زاہد تے عبادت گزار سن وفات 261 ہجری وچ ہوئی۔[5]
عظیم صوفی
معروف ترین مسلم صوفیہ کرام وچوں اک۔ تصوف وچ ابو یزید دے استاد ابوعلی السندی نامی اک صوفی سن جو عربی نئیں جاندے سن۔[6] بعد ازاں دنیا ترک کر دتی تے بارہ سال تک جنگلاں وچ ریاضت کیتی۔ تصوف وچ تساں دا مرتبہ بوہت بلند اے۔ تہانوں علم باطن وچ امام جعفر صادق دی روحانیت توں تربیت اے جدونکہ تساں دی پیدائش امام دی وفات دے بعد دی اے۔[7] انہاں دے معتقدین نوں طیفوریہ تے بسطامیہ کہیا جاندا اے۔[8]
مقام تے مرتبہ
سید الطائفۃ جنید بغدادی نے تساں دے متعلق فرمایا بایزید ساڈے درمیاں اس طرح نیں جس طرح ملائکہ وچ حضرت جبریل۔ ۔[9] تے مقام توحید وچ تمام بزرگاں دی انتہا تساں دی ابتدا اے کیونجے ابتدائی مقام وچ ای لوک سرگرداں ہو کے رہ جاندے نیں ۔ جیسا کہ بایزید بسطامی دا قول اے اگر لوک دوسو سال تک وی گلشن معرفت وچ سرگشتہ رہن تد کدرے جاکے انہاں نوں اک پھل مل سکدا اے جو مجموعی طور اُتے ابتدا ای وچ مینوں مل گیا [10] امام مناوی فرماندے نیں کہ ابویزید بسطامی عارفین دے اماماں دے وی امام سن تے محققین صوفیہ کرام دے مشائخ دے شیخ سن تواڈے لئی انہاں دے بارے وچ جناب خانی دا ایہ قول ای کافی اے کہ تساں انہاں سلطان العارفین کہیا کر دے سن تے ابن عربی انہاں ابو یزید اکبر کہیا کر دے سن تے انہاں نے ذکر کیتا کہ تساں اپنے زمانہ دے قطب غوث سن۔[11] شیخ ابو سعید دا قول اے کہ وچ پورے عالم نوں تساں دے اوصاف اُتے دیکھدا آں لیکن اس دے باوجود وی تساں دے مراتب نوں کوئی نئیں جانتا [10]۔ جدوں بایزید نماز پڑھدے تے انہاں دے سینہ دی ہڈیاں توں آواز نکلدی سی جس نوں لوک سن لیندے خدا دی ہیبت تے شریعت دی تعلیم دی وجہ توں۔ بایزید نے موت دے وقت ایہ کہیا ;
!الہی ما ذکرتک الا عن غفلۃ وما خدمتک الا عن فترۃ
خدایا میں تینوں یاد نہ کیتا سوائے غفلت دے تے میں تیری خدمت سوائے نقصان دے نئیں کیتی۔[12]
وفات
تساں نے 15 شعبان 231 ھ بسطام وچ انتقال کیتا۔[13] جدونکہ ایہ وی کہیا گیا کہ انہاں دا وصال 261ھ وچ ہویا [14] کوئی مستقل تصنیف نئیں چھڈی۔ چند اقوال مختلف لوکاں دی زبانی تصوف دی کتاباں وچ موجود نیں ۔
تصویراں
بایزید مسجد دا اندرونی حصہ
بایزید مسجد دا گنبد
بايزید مسجد میں کندہ کاری
حوالے
- Abdul Karim. «Bayazid Bostami». Banglapedia. بایگانیشده از روی نسخه اصلی در ۲۰۱۸-۱۲-۲۵. دریافتشده در ۲۰۱۳-۰۲-۰۴.
- ”سلسلہ سہروردیہ تے نور“مصنف جان والبرج ،آکسفورڈ یونیورسٹی پریس،2005صفحہ نمبر 206.
- رسالہ ءقشیری برائے علم ِ تصوف مصنف ،ابوقاسم القشیری،ناشراتھاکاپریس2007، صفحہ نمبر32
- موسوعۃالکسنزان سيد الشيخ محمد بن الشيخ عبد الكريم الكسنزان الحسيني
- اردو دائرہ معارف اسلامیہ جلد 1صفحہ 932 دانش گاہ پنجاب لاہور
- تذکرہ مشائخ نقشبندیہ صفحہ 64نور بخش توکلی مشتاق بک کارنر لاہور
- الزركلي، خير الدين۔ الأعلام - ج 3. صفحہ 235بيروت: دار العلم للملايين۔
- تذکرۃ الاولیاء شیخ فرید الدین عطار صفحہ 94 الفاروق بک فاؤنڈیشن لاہور
- جامع کرامات اولیاء جلد دوم صفحہ 250علامہ محمد یوسف نبہانی ضیاء القرٓن پبلیکشنز
- نفحات الانس ،عبد الرحمن جامی، صفحہ88، شبیر برادرز اردو بازار لاہور
- تذکرہ مشائخ نقشبندیہ صفحہ 70نور بخش توکلی مشتاق بک کارنر لاہور
- طبقات الصوفیہ، تأليف: أبو عبد الرحمن السلمی، ص67-68، دار الكتب العلمیہ ط2003.
باہرلے جوڑ
 |
ویکی اقتباسات وچبایزید بسطامی توں متعلق اقتباسات موجود نیں۔ |
سانچہ:کومنز
- بایزید بسطامی دی سوانح اردو زبان وچ
- بایزید بسطامی دا مزار ایران وچ
- اطالیہ وچ نقشنبدیہ خالدانیہ حقانیہ طریقہ تصوف
- امریکا تے یورپ وچ نقشبندی
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
