آڈی مرفی

آڈی مرفی دوجی وڈی لڑائی چ امریکہ دا سب توں بؤتے تمغے جتن والا سپائی سی۔ اونے فوج توں مغروں 44 امریکی فلماں چ وی کم کیتا تے امریکی پینڈو موسیقی بنائی۔

ایس آرٹیکل نوں چنگے آرٹیکل چ پلٹنا اے۔

آڈی مرفی
جمن تھاں	{{{جمن تھاں}}}
جمن نی تاریخ	{{{جمن نی تاریخ}}}
دیس	امریکہ
ناگرکتا	{{{ناگرکتا}}}
کم	سپائی
سال سرگرم	{{{سال سرگرم}}}
گن	سب توں بعوتے تمغے لین والا امریکی

آڈی مرفی 27 مہینیاں تک لڑائی چ ریا تے امریکہ دے سب توں بوتے تمغے جتن والیاں وچ اوہ آگيیا اونے جیداری دا سب توں وڈا امریکی تمغہ میڈل آف آنر وی جتیا اونے 32 دوجے امریکی تے دوجے دیساں دے وی تمغے جتے۔ 5 فرانس تے بیلجیم دے سن۔

اوہ 1971 چ ہوائی جہاز ڈگن نال مر گیا تے اونوں فوجی عزت نال آرلنگٹن دے دیسی قبرستان چ دبیا گیا۔ صدر کینیڈی توں مگروں اودھی قبر نوں سب توں بعوتا ویکھیا جاندا اے۔

جیون

آڈی امریکی صوبے ٹیکساس چ جمیا اوہ ایمرک بیری تے جوسی بل مرفی دا پتر سی او 9 پہن پرا سن۔ 8 جماتاں تک اوہ پنڈ دے سکول گیا فیر اونوں سکول چذڈنا پیا (اوناں دا پیو اوناں نوں چھڑ گیا سی)۔ آڈی نوں اک ڈالر دیہاڑی دی خاطر کم کرنا پیا اوہ کپاواں چندا ہل چلاندا تے کنکاں کٹدا یا جو وی اونوں کم لبدا اوہ کر لیندا سی۔ مرفی نے بندوق چلانا سکھ لیا تے شکار کرن لگ گیا اودے اک شکاری تے یار تے گوانڈی نے اے ویکھیا کہ مرفی دا نشانہ بڑا ٹھیک اے۔ مرفی نے اونوں آکھیا "میں اگر نشانہ ٹھیک نہ لاواں تے میرا ٹبر پکھا رے جاۓ گا"۔ 23 مئی 1941 نوں اودی موئی تے اوہ 15 وریاں دا سی تے اوہ اک ریڈیو مرمت دی دکان تے کم کردا سی۔ اپنی وڈی پین کورنی نال سلاح کر کے تین نکے جاکتاں نوں یتیم خانے پا دتا جتھوںں اوناں نوں دوجی جنگ تے پکن مغروں کڈیا گیا۔

مرفی فوج وچ

پرل ہاربر تے جپان دے 7 دسمبر 1941 دے حملے توں مغروں مرفی نے (اوہ ہلے 15 وریاں دا سی) مرفی فوج پعرتی لئی گیا پر تھوڑی جند، لمبائی تے جوکھ ہون توں اونوں ناں رکھیا گیا۔ جون 1942 چ جدوں اوہ 16 وریاں دا ہویا (اودھی پین نے اودھا 18 وریاں دا سرٹیفیکیٹ کتوں بنوایا) تے انج اوہ امریکہ دی فوج چ پعرتی کر لیا گیا۔ اس توں پہلاں اونوں امریکی نیوی نے پعرتی نئیں سی کیتا کیوجے اودھا جوکھ وی تھوڑا سی، قد وی نکا سی تے ویکھن چ وی منڈا منڈا لگدا سی۔ ٹیکساس چ تھوڑی فوجی سکھلائی توں م‏غروں اونوں فوج چ رکھ لیا گیا ۔ اوہدا کمپنی کمانڈر اوہنوں اوہدے نکے منڈیاں ورگے وکھالے تے ماڑی جان توں فوج دے روٹی پکان والے پعیج ریا سی پر آڈی مرفی اڑی کر کے لڑاکے فوجیاں ول گیا۔‏‏ 13 ہفتیاں دی ہیٹھلی سکھلائی مغروں اوہنوں ہور لڑائیاں دی سکھلائی لئ میری لینڈ پعیج دتا گیا۔

لڑائیاں

مرفی نوں لڑائی تے جان لئی ہلے وی سسٹم نال لڑنا پیا اودھی اڑی باجوں اوہنوں 1943 چ تیسری پیدل ڈویثن دی ویں15 پیدل ریجمنٹ دی پہلی بٹالین دی بی کمپنی چ کاسا بلانکا مراکش پعیج دتا گیا۔ مرفی نوں افریقہ چ کوئی لڑائی نہ دسی پر اوہ تیسرے ڈویثن دے سکھلائی پروگرام چ لگا ریا۔ 10 جولائی 1943 نوں اونے سسلی نوں ازاد کران چ اپنا ہتھ ونڈایا۔ سسلی آندیاں نال ای اونوں کارپورل بنا تیا گیا جدوں اونے کوڑیاں تے دو نسدے اطالوی افسراں نوں گولی مار کے مار دتا۔ ایتھے اونوں ملیریا وی ہویا۔

سسلی چوں جرمناں نوں کڈن تے اوتھے مل مارن مغروں تیسرا ڈویزن اٹلی چ سالیمو دی تھاں تے ستمبر 1943 نوں اتریا رات نوں گشت کدیاں ہوئیاں مرفی تے اودے سنگی جرمناں چ جا وڈے پر اوہ لڑدے ہوئیاں جرمناں دے کعیرے توں نکل آۓ۔ اک جرمن فوجی ٹولی نوں جرمناں نے ایناں دے پچھے ٹوریا پر مشین گن تے ریفل دیاں گولیاں دیی بارش نے جرمناں نوں روک لیا۔ تن جرمن مارے گۓ تے ہوراں نوں بندئی بنا لیا گیا۔ سالموں دی اس لڑائی باجوں مرفی نوں سارجنٹ بنادتا گیا۔

مرفی نے اٹلی چ لڑدیاں ہوئیاں دریا وولٹر تے، اینزیو دے کنڈیاں تے تے ٹھنڈے الپس دیاں پہاڑاں چ پنے آپ نوں جیدار پاہی منوایا۔ اٹلی چ ای اونوں اتلے رینک تے تمغے اودھے چنگے سپاہی ہون باجوں لبے ۔

اٹلی دی لڑائی لڑن باجوں تیسرے ڈویثن نوں 15 اگست 1944 نوں تھلویں فرانس چ لڑن لئی پیج دتا گیا ۔ تھوڑے ویلے مغروں ای مرفی دا جگری یار لیٹی ٹپٹن نوں اک جرمن نے مشین گن نال مار دتا جدوں اوہ شو کر رییا سی جیویں کہ اوہ ہتھیار سٹ چکیااے۔ اس تے مرفی ابل پیا تے اونے کلیاں ای اوناں ساریاں جرمناں نوں مار سٹیا جیڑے اوس مشین گن نال سن تبے تھوڑا چر پہلاں اودھے یار نوں مار چکے سن۔ فیر مرفی نے اس جرمن مشین گن نال تے ہتھ گولیاں نال نیڑے نیڑے دے ہور جرمناں نوں وی مکا دتا۔ اس کم لئی مرفی نوں ڈسٹنگوئشڑ سروس کراس لبیا (جیڑا میڈل آف آنر توں دوجے نبر تے اے)۔ تن ہفتیاں دی فرانس چ لڑائی وچ مرفی دے ڈویثن دے 4500 فوجی مارے گۓ۔

کج ہفتیاں مغروں ای مرفی نوں جیدادی دے ہور کم کرن تے دو سلور سٹار لبے۔ مرفی ہون سٹاف سارجنٹ سی پر اونوں لڑائی چ وکھری جیداری وکھان تے سیکنڈ لیفٹیننٹ بنادتا گیا۔ اے رینک ملن توں بارہ دن مئروں اونوں گولی لگی تے اونوں ٹھیک ہون لئی اونوں 10 ہفتیاں تک آرام کرنا پیا۔ اپنے یونٹ چ آڈی کج دناں مغروں ای جدوں کے ہلے وی اوہ پٹیاں چ بجیا ہویا سی یونٹ آگیا۔ اونوں کمپنی کمانڈر بنا دتا گیا۔ اونوں مورٹار دا گولا وی لگیا جدے چ اودے دو سنگی مارے گۓ۔

اگلے دن 26 جنوری نوں جدوں گرمی ناپ منفی 10 سیلسیس سی تے 4 انچ (61 سینٹی میٹر) برف تعرتی تے پئی ہوئی سی۔ ہولتزویہر (فرانس) دی لڑائی ٹر پئی ۔ مرفی نے اپنے یونٹ نوں پچھے کل دتا تے اودوں تک جرمناں تے نشانے لاندا ریا جدوں تک اودھے کولوں گولیاں مک نہ گئیاں اس تے اوہ اک سڑدے ہوۓ تے چھڑے ہوئے ٹینک چ وڑ گیا تے اس دی مشین گن نال جرمن پیدل فوج تے نشانے بازی کردیاں ہوئیاں مکا کے رکھ دتا۔ ایدے چ جرمن فوج دا اوہ سکواڈ وی ہے گا سی جیڑا رڑدیاں رڑدیاں اودے کولوں 100 فٹ دور رے گیا سی اودھی لت گولیاں لگن نال زخمی سی پر اوہ کلا کینٹے تک اے لڑائی لڑدا ریا۔ اودا تیان اودوں رکیا جدوں گولے لگن نال اودا ٹیلیفون دا جوڑ اودھی فوج نال ٹٹ گیا اودے بچے کچھے سنگی جدوں اودھے کول اپڑے تے اونے اوناں نال رل کے جرمن ویری تے ٹٹ پیا۔ جرمن ویری اایس ہلے نوں ناں سہہ سکیا تے ہولتزویہر توں پچھے ہٹ گیا اس لڑائی باجوں مرفی نوں میڈل آف آنر دتا گیا۔

مرفی نوں فیر لڑائی پڑ توں ہٹا دتا گیا تے 22 فروری 1945 نوں لیفٹیننٹ بنا دتا گیا۔ 2 جون 1945 نوں 7ویں امریکی فوج دے کمانڈر جنرل پیچ نے اونوں میڈل آف آنر تے لیجن آف میرٹ دتا۔ 10 جون نوں مرفی پیرس توں ٹریا تے 4 دن بعد سان اینٹونیو ٹیکساس امریکہ اپنے کعر اپڑ گیا۔

آڈی مرفی یورپ چ

آڈی مرفی 29 مہینے امریکہ توں باہر ریا تے 2 سال توں کٹ اوہ 3 ڈویثن نال لڑائی چ ریا۔ لڑائی چ اونے 6 ٹینک تباہ کیتے 240 جرمن فوجی مارے تے بوتیاںنوں زخمی تے بندی بنایا۔ اے سارے کم اونے 21 وریاں دا ہون توں پہلاں کیتے۔

امریکہ دے سارے فوجی تمغے اونے جتے فرانس دا سب توں وڈا فوجی تمغہ لیجن آف آنر وی اونوں دتا گیا۔ اوہ جرمنی دے ہتھیار سٹن مغروں جون چ امریکہ آیا تے اونوں ہیرو دی طر]ح جی آیاں نوں آکھا گیا 21 ستمبر 1945 نوں اونے فوج چھڑ دتی۔ 10 جولائی 1945 نوں اوہ لائف میگزین دے باہر آلے صفحے تے آیا۔

امریکہ چ

آڈی دی قبر تے لگیا پتھر

کوریا دی لڑائی ٹرن تے اوہ فیر فوج چ چلا گیا پر اونوں لڑائی تے نہ پیجیا گیا۔ 1968 نوں جدوں اوہ میجر سی اونے فوج نوں چھڑ دتا۔ لڑائی دے مغروں اوہ جدوں امریکہ واپس لوٹیا تے اونوں کئی نفسیاتی روگ وی لگے۔ اوہ سو نئیں سکدا سی تے اونوں ڈپریشن دے دورے وی پیندے سن۔

مرفی نے پہلا ویاہ اداکارہ وانڈا نال کیتا پر اوناں دی نبہ نہ سکی دوجا ویاہ اونے پامیلا آرچر نال کیتا اودے دو بچے نیں۔

مرفی دی مشہوری ویکھدیاں ہوئیاں فلم بنان آلے فلماں چ لے آۓ تے اونے کئی؛ فلماں چ کم کیتا۔ 1949 چ اونے اپنے جیون دی کہانی لکھی اے کتاب بعوت وکی۔

مرفی نے پینڈو سٹائل گانے وی لکھے جیڈے ہٹ ہوۓ۔

28 مئی 1971 نوں اوہ جہاز ڈگ پین نال اوہ مر گیا تے اونوں امریکی دارالحکومت واشنگٹن ڈی سی چ آرلنگٹن دے قبرستان چ دب دتا گیا۔

بارلے جوڑ

• آڈی مرفی تے ویب سائیٹ
• میڈل آف آنر لین والے
• آڈی مرفی فاونڈیشن Archived 2009-02-26 at the وے بیک مشین
• آڈی مرفی Archived 2008-05-10 at the وے بیک مشین
• آڈی مرفی کلعی لڑائی Archived 2008-04-01 at the وے بیک مشین
• تیسرے ڈویزن دیاں فوٹوواں تے مرفی دا جیون