آرگینک کیمسٹری
From Wikipedia, the free encyclopedia
آرگینک کیمسٹری کیمسٹری دا اک انگ اے جیہدے وچ کاربن والے کمپاؤنڈ ہائیڈروکاربن دیاں خوبیاں بناوٹ تے بنن دی جانکاری لئی جاندی اے۔ ایہنوں کاربن تے جانداراں دی کیمسٹری وی کہندے نیں۔ آرگینک کیمسٹری دی خاصیت ایس پاروں اے وے کہ ایہدے وچ جانداراں دے اندر ہون آلے کم تے اوہناں دی بناوٹ نوں سمجھیا جاندا اے۔ کیوں جے جانداراں دی کھل توں لے کے ڈی این اے تک ہر شے اچ کاربن ہوندا اے ایس لئی کاربن آرگینک کیمسٹری دی نیو اے۔ آرگینک کیمسٹری کئی شیواں دے بنان وچ اہم ہتھ رکھدی اے جیہناں وچ عام ورتن اچ آن آلیاں شیواں ہیگیاں نیں: کیمیکل، کھان پین، پلاسٹک، دوائیاں، پٹرول تے کئی دوجیاں شیواں۔
![Thumb image](http://upload.wikimedia.org/wikipedia/commons/5/55/Ch4-structure.png)
آرگینک کیمسٹری وچ زیادہ تر کاربن دے کمپائونڈاں دی بناوٹ، خاصیتاں، کم تے نالے مورت پڑھی جاندی اے۔ ایہناں کمپاؤنڈاں دی وڈی ٹولی ہائیڈروکاربن اے پر ایہناں وچ کجھ دوجے عنصر وی ہوندے نیں جیہناں وچ ہائیڈروجن، نائیٹروجن، آکسیجن، ہالوجن، فاسفورس، سلفر تے سلیکان ہیگے نیں۔ آرگینک کمپاؤنڈ مورتاں دے حساب نال بہت وکھرے نیں۔ ایہناں توں بہت شیواں بندیاں نیں۔ انسان دے عام ورتن دیاں کئی شیواں ایہناں توں بنے ہوندے نیں۔ نیرے نیڑے ساری زمین دے اتے وسدا جیون آرگینک کمپاؤنڈاں توں بنیا ہوئیا اے۔