Di Laimbach is e kurpälzischi Bach, welli dorsch de Rhoi-Negger-Krais fließe dudd. Ihr Gsamdläng is 38 Kilomeder unn se hot ä Oizuchsfläsch vun 140 km², wo 157.000 Lait wohne. Zufliss sinn vor allem di Gauångelbach unn di Waldångelbach. Endhubbse dudd di Laimbach bai Balzfeld uff ennere Heh vun 204 m i. NN, in de Gemää Diele, minde dudd se donn bai Brihl in de Owwerrhoi uff ennere Heh vun 94 m i. NN. De zerickgelehde Heheunnerschied sinn also 110 Meder.
![Thumb](http://upload.wikimedia.org/wikipedia/commons/thumb/d/dd/Bruehl-Leimbach.jpg/640px-Bruehl-Leimbach.jpg)
Wie aa di Kraischbach fließt di Laimbach noch em Ausdritt in di Rhoiewene, bai Wissloch, im Grawe am Rand zwische de Ewene un em Kraischgau diregd noch Norde. Bai Nußloch biegt se dann Rischdung Rhoi um. Zwee Endlaschdungskanäl kenne Wasser vun de Laimbach uffnemme: De Landgrawe zwische Nußloch un Ofderse un di Hardtbach zwische Walldorf un em Induschdiegebiet Dalhaus bai Hoggene.
Gschischd
Di Laimbach hot frieher schun die Schwetzinger Burchõõlaach umflosse, bai de Naigschdaldung vum Schloss (ab 1657) is Laach unn Foam vaännerd worre, sodass ihr haidischi Gschdald endschdanne is. De See unn annere Gewässa im Schlossgadde sinn vun zwee Wassawerge gschbaisd worre, welle di Laimbach dorsch zwee Mihlräder õõgedriwwe hot.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.