Kalifornie issen Bunnesschdaad vun de Vereinischde Schdaade, im Weschde gelege unn vun de Oiwohnerzahl her de greeschde. Es wohne nämmlisch iwwa 39 Millione Leit do. Mit ennere Fläsch vun 423.970 isses fläschemäßisch de driddgreeschd Schdaad, noch Alaschga unn Texas. Haabdschdadt is Sacramento, greeschde Schdadt is Los Angeles mit viea Millione Oiwohner. Beriehmd is Kalifornie vor allem weege de Filminduschdrie in Hollywood unn de viele Sunn, awwa aa bekonnd wege de viele Waldbränd.
Kalifornie is net nur ä polidischs Gebied, sondan aa ä londschaftlisch vielseidischs Lond. De Weschde is kompledd vun de Kischde oignumme de Pazifigg hot do soi Wassa. Net weit vun de Kischd sinn Berge, haabdsäschlisch im nerdlische Gebied. Aa im esdlische Dääl vun Kalifornie gibts Berge, die Sierra Nevada. Do is aa de heggschde Beag vun Kalifornie, de Mount Whitney mit 4.421 Meda Heh. Im Zendrum isses Great Valley, ää riesegroßes Dal vum aiserschde Norde in de Siede. Im Siede gibts aa große Wieschde, die Colorado Desert, die Mojave-Wieschd unn die Sonora-Wieschd.
Klima
Kalifornie hot on de Kischd en mediterrånes Klima, mit heißem unn droggene Summa, unn nassem unn milde Winda. Im Great Valley isses Klima ähnlisch, awwa noch haißa im Summa. Bei demm droggene, haiße Klima werre Waldbränd beginsdischd, Ausleesa sinn awwa meischdens Mensche. In de Berge isses subargdisch, also sehr kald. In de Wieschde isses gonzjährisch haiß unn drogge. Es Death-Valley in de Mojave-Wieschd is wahrschains de haißeschde Ord uff de Weld, mit 56,7 Gråd.
Es wohne 39.536.653 Leit in Kalifornie (Dade vum erschde Juli 2017), mehr als sunschd in irgendeem Schdaad vun de USA. Rassemäßisch sinn die maischde Leit weiß, es gibt awwa aa viele Schwaddse unn Asiade. Die Hischbonier bilde ä uuabhängischi Grupp unn könne alle Rasse oogheere. Middlawail sinn faschd värzisch Prozend vun de Gsomdbvelgarung hischbanisch odda Ladinos. Sie schdamme meischdens vun Mexikåna unn Zendralomerika, ainische Familie sinn awwa schun do, als Kalifornie zu Mexiko gherd hot.
Zu nenne is die Filmwärdschafd im Ord Hollywood, welles zu Los Angeles gherd. Viele Filmfirme sinn do õõgsiedeld unn die maischde Film kumme vun do. Im nerdlische Kalifornie, siedlisch vun San Francisco on ennere Meeresbucht liggds Silicon-Valley. Des is ä Tal, wo viele Firme im Bereisch Kompiuda-Teschnigg õõgsiedeld sinn.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
