Taillenwespen
From Wikipedia, the free encyclopedia
From Wikipedia, the free encyclopedia
Tallje- odder Schnierwefze (ladeinisch: Apocrita) sin äni vun zwee Unnerordnunge vun de Hautfliggler. Fä se tybisch is, dass se e diefi Oischnierung vorm letschde Segment vun ihrm Kärwer hawwe, ma sescht aa Wefzetallje dezu. Di Oischnierung ligt net, wie ma mååne kennt, zwischem Middel- (Thorax) un em Hinnerleib (Abdomen), nä, die ligt zwischem vordere Deil vum Hinnerleib, em Propodeum, un em hinnere Deil devu, em Gaster. Des Propodeum is bei de Talljewefze mit em Middelleib (Thorax) verwachse. Seller Kärwerdeil heeßt bei ene Mesosoma. Dursch die Oischnierung is des Hinnerdeil vun de Talljewefze äußerscht beweglisch.
Talljewefze | |
---|---|
![]() Wefz | |
Syschdematik | |
Schdamm: | Gliederfießer (Arthropoda) |
Ïwwerklass: | Sechsfießer (Hexapoda) |
Klass: | Insekde (Insecta) |
Unnerklass: | Fluginsekte (Pterygota) |
Ïwwerordnung: | Neifliggler (Neoptera) |
Ordnung: | Hautfliggler (Hymenoptera) |
Unnerordnung: | Talljewefze |
Biologischi Nomenklatur | |
Apocrita
Gerstaecker, 1867 | |
Interni Syschdematik | |
| |
Zu de Talljewefze ghere di Wefze, di Biene un di Ämänze. Es gibt oinzeln, in Grubbe un in Schdaade lewende Arde. Di weiblische Tiere hawwe en Schdachel. Des is urschbringlisch en Legschdachel, wo awwer bei viele Arde zumne Wehrschdachel umgewandelt is. Die Arde, wo des noch in Legschdachel is, werre in da Deilordnung Leegimme (Terebrantia) zammegfaßt, die Arde mit eme Wehrschdachel in sellere vun de Schdeschimme (Aculeata).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.