49.5373611111118.8628333333333237 Owwer-Schimmeldewoog is e Dorf im Iwwerwald, wu heit zur Gemeinde Wald-Mischlbach im hessische Kreis Bergschdrooß ghert. S hot 590 Oiwuhner (2010).
Owwer-Schimmeldewoog ligt 4 km sidsideschdlisch vun Wald-Mischlbach im Ulfebachdal im Hinnare Ourewald. Umiddelba dalabwärts ligt Unner-Schimmeldewoog. Di Gemakung hot e Fläsch vun 698 Hegdaa (6,98 km2). 525 davuu, des heeßt faschd alles außerm Dalgrund, sin Wald (1961).
De Nome is 1012 s erschdemol erwähnt won, un zwaa uff Ladeinisch als Spumosum Stagnum. Des haast uf deitsch Schaumischi Woog (e Woog is e gschdaudes Gewässer). Di nägschde Erwähnunge, un di erschde uf Deitsch, kumme erschd 1346, do haasts: Schemmechtinwage un Schymechtinwage. Weidare Iwwerlifferunge vum Name sin: Schumechtinwage / Schumechtwage (1365), Obbern Schymmentwag (1437), Obernschiemetwage (1472), Schymmechtenwage (1488), Schiemettenwagh (1496), Schimmertewog / Schimmentenwag (1509), Oberschimodawag (1671). Schaumicht, schumicht, schumechtig etc. waa soinerzeit e gängischi Form vun schaumisch[1]. Da heitische hochdeitsche Name Schönmattenwag, seid 1623 bekannd, is wohl e falsche Ableidung vum Rheifränggische ins Hochdeitsche.
Bis 1232 hot Owwer-Schimmeldewoog zum Gloschder Losch geghert. Danooch waas bis 1803 kurpälzisch un is dann an Hesse-Dammstadt, 1806 ans Großherzogtum Hesse kumme. Am 31.12.1971 is es zu Wald-Mischlbach oigemeindt wonn.
Oiwuhnerendwigglung
| Johr | 1784 | 1829 | 1858 | 1905 | 1939 | 1946 | 1967 | 2010 |
|---|---|---|---|---|---|---|---|---|
| Oiwuhner[2] | 151 | 270 | 339 | 339 | 284 | 445 | 466 | 590 |
De Schimmeldewäer ihr Ordshymne is: Schimmeldewog, wie leigscht du schäi (vum Rupprecht Bayer).
1975 is Owwer-Schimmeldewoog Landes- un Bundessieger im Weddbewerb „Unser Dorf soll schäiner werre“ worre.
Kerwe is im Juni.
→ Adiggel: Waldlehrpad Owwer-Schimmeldewoog
Da Owwer-Schimmeldewäer Lehrer Rupprecht Bayer (1915–1994) hot 1955 – 1957 zamme mid soine Volgsschiiler im Dä-Ellebachdal de erschde Waldlehrpad vun Deitschland ågelegt. Ausgangspunggd fä de 3,7 km långe Weg is da Nadurpaagblatz Raubacher Weg.
Da Leitschbruch vum Lehrer Bayer waa: Ihr Leit, habt Ehrfurschd vorm Wald! Habt Ehrfurschd vor allem Leewe, vorm gewaldische, wunnersame, geddlische Schebfungswerg vun da Nadur!
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
