Minche (a Minsche) (uff bairisch: Minga, amtlisch: München) iss die Lonneshaubdschdadt vum Fraischdaad Baian unn hot ball 1,5 Millione Oiwuhner, is dodemid die driddgreeschd Schdadt in Daitschlond. Die Schdadt hot ne Fläsch vun 310,71 km² unn iss mid ner B'velgerungsdischd vun 4.736 Oiwuhner uff em km² die dischdesd bsiedelde Schdadt in Daitschlond.
Wappe | Daitschlandkard | |
---|---|---|
![]() |
| |
Basisdate | ||
Dialekt: | Owadaidsch | |
Hääptvariant: | Bairisch | |
Rechionalvariant: | Middelbairisch | |
Bunnesland: | Bayan | |
Regierungsbezirk: | Owabaijan | |
Heche: | 519 m ü. NHN | |
Fleche: | 310,7 km² | |
Aiwohner: | 1.471.508 (31. Dez 2018) | |
Bevelkerungsdicht: | 4736 Eiwohner je km² | |
Boschtläätzahle: | 80331–81929 | |
Voawahl: | 089 | |
Kfz-Kennzääche: | M | |
Gmäändschlüssel: | 09 1 62 000 | |
LOCODE: | DE MUC | |
NUTS: | DE212 | |
Stadtgliderig: | 25 Schdadbeziag | |
Adress vun de Stadtvawaltung: |
Marienplatz 8 80331 München | |
Websait: | ||
Owabirchamääschta: | Dieter Reiter (2014 - 2020) (SPD) | |
Laach vun de Stadt Minche in Bayan | ||
![]() |
Minche liechd im Voralbelond zwische de Kalkalbe unn de Donau uff ener Heh vun 519 m. i. M. Die Schdadt werd vun Siedweschd noch Nordoschd vun de Isar dorschflosse. In de Isar liechd aa die Museumsinsel, mim Daitsche Museum unn die Praterinsel.
Vun de Gsamdfläsch vun Minche endfalle 44,1% uff Gebaide, 17,2% uff Vakeasfläsche, 15,5% uff Londwärdschafdsfläsche unn genausoviel uff Erholungsfläsche, 4,1% uff Waldfläsche, 1,3% uff Wassafläsche unn 2,2% uff Onneres. Minche hot 25 Schdadtbezirge.
Gegrinded worre isch Minche im Johr 1158 vum Hainrisch dem Leeb, nochdem er die Brigg vum Bischuf vun Fraising abgefaggeld hot, um Selbschd vum Salzhåndel zu profidiere. 1506 iss Minche Haubdschdadt vun Baian worre Im 30-jährische Kriech iss Minche vun de Schwede besedzd worre. Nochdem de Naboleon des Hailisch Reemisch Raisch vun de Daitsch Nadzion uffgeleesd hot, hot Baian Gebiedszuschläg gekriegd (unner annerem die lingsrhainisch Palz), iss Keenigraisch worre unn Minche iss die Haubdschdadt vun dem Keenigraisch worre. Nochm Erschde Weltkriech unn de Revoludsion hot zwar de Keenisch abgedongd, awwa Minche iss Haubdschadt gebliwwe. Am 24.Februar 1920 iss im Minschner Hofbräuhaus die NSDAP gegrinded worre unn die Schdadt iss long de Haubdsidz vun derre Bardai gewessd. 1923 hot in Minche aa de missgliggde Hitlerputsch schdaddgefunne. Im Zwädde Weldgriech iss Minche schdarg zerschderd worre. Im Johr 1972 iss Minche Gaschdgewwer vun de XX. Olympische Schbiele gewessd, bai denne Palästinenser Gaiseln genomme hawwe.
- Die Frauekärsch iss eens vun de bekanndeschde Wahrzaische in de Minschner Aldschdadt unn Kathedralkärsch vum Bischuf vun Minche unn Fraising.
- Die Theatinerkärsch (offiziell: St. Kajetan) war Hof- unn Ordenskärsch vum Theatinerorde.
- Des alde Radhaus liechd am Marieplatz unn iss zwische 1470 unn 1580 erbaud worre.
- Des naie Radhaus liech aa am Marieplatz unn iss zwische 1867 unn 1909 im naigodische Schdil erbaud worre.
- Die alde, naie unn Pinakothek der Moderne sinn drai Kunschdmusee.
- Des Daitsche Museum iss des greeschde nadurwissenschafdlisch-dechnich Museum uff de Weld unn des greeschd Museum in Daitschlond.
- De Englische Gadde
- Die Minchner Residenz isses Schdadtschloss gewessd unn wiedaufgebaud worre, nochdem es im zwedde Weldgriech zerschderd worre iss.
- De Friedensengl iss 1896-99 gebaud worre guggd in Rischdung Frongraisch, dem domolische Erzfaind.
- De Olympiaparg mim Olympiaturm unn -schdadion
- Des alde Radhaus
- Des naie Radhaus
- Die Theatinerkärsch
Commons: München — Waitere Mulitimediadataie zum Artikel
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.