futbolista boneriano From Wikipedia, the free encyclopedia
Pedro Rodriguez Vergara (☆ 25 di yüli 1990 na Lima) ta un futbolista peruano ku a naturalisá hulandes, i internashonalista ku e ekipo nashonal di Boneiru. Aktualmente e ta hunga komo mediokampo pa e klup boneriano SV Uruguay.
Ku 6 aña Pedro Rodriguez a kuminsa praktika futbòl na Peru. Na edat di 8 aña e ta muda cu su famia pa Boneiru. Ku 13 aña e ta kuminsa hunga den ekipo hubenil di SV Atlétiko Tera Corá (ATC) i na 2007 a debutá den Liga Boneiru.[1] El a keda selekshoná pa hunga den e ekipo hubenil boneriano durante e weganan klasifikatorio pa e Weganan di Reino kontra Aruba i Kòrsou.[2] Despues el a sigui tambe pa partisipa den e selekshonnan U-17 i U-20.
Na 2008 Rodriguez a bai Hulanda (Oropa) unda e tabata hunga den e klupnan amatür: VUC Den Haag, Voetbal Club Sparta en HVV Hercules. Bek na Boneiru e ta bai hunga pa ASCD Arriba Peru, e klup di futbòl di kua su tata tabata presidente. Na 2014 e ta firma ku SV Uruguay unda el a milita kuater temporada te 2017. El a kontinua su karera na SV Atlétiko Flamingo i na 2022 a bolbe uni na SV Uruguay. Den e Kopa MCB na aña 2015 el a wòrdu elegí mihó hungadó.
Rodriguez a debutá ofisialmente ku e selekshon boneriano dia 14 di novèmber 2013 durante e torneo ABCS den un wega kontra Sürnam, kedando derotá 2-0. El a hunga nuebe wega, sin skor gol, komo internashonalista den e selekshon boneriano. Na 2014 el a partisipa den sinku wega klasifikatorio pa Kopa Karibe.[3]
Klup | Lugá | Aña |
---|---|---|
SV Atlétiko Tera Corá | ![]() |
2007 - 2008 |
VUC Den Haag | ![]() |
2008 - 2010 |
Voetbal Club Sparta | ![]() |
2010 - 2011 |
HVV Hercules | ![]() |
2011 - 2012 |
ASCD Arriba Peru | ![]() |
2013 - 2014 |
SV Uruguay | ![]() |
2014 - 2017 |
SV Atlétiko Flamingo | ![]() |
2017 - 2019 |
SV Uruguay | ![]() |
2019 - 2020 |
ASCD Arriba Peru | ![]() |
2020 - 2021 |
SV Uruguay | ![]() |
2022 - presente |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.