From Wikipedia, the free encyclopedia
Esaki ta un resúmen di e ministerionan di pais Kòrsou. Desde 10 di oktober 2010 gobièrnu di pais Kòrsou ta konsistí di nuebe ministerio. E organisashon di e ministerionan por lo general ta sentrá riba separashon di tres área:
Kada ministerio tin un organisashon di maneho i un organisashon di inspekshon ku ta akapará tur e áreanan temátiko di e ministerio. Pa e parti di ehekushon e ministerionan tin varios sektor temátiko bou di kua e diferente organisashonnan ehekutivo ta kai.
Ministerio di Asuntunan General ta responsabel pa kalidat di estado di derecho, komunikashon interno i eksterno óptimo, relashonnan duradero den Reino i ku eksterior, fortalesé identidat nashonal i salbaguardia seguridat nashonal.
Bou di e áreanan di maneho di relashonnan eksterior i general tin e siguiente sub-áreanan:
Ministerio di Desaroyo Ekonómiko ke yuda dirigí desaroyo ekonómiko duradero pa yega na un nivel di prosperidat mas haltu pa komunidat di Kòrsou i ke stimulá un posishon kompetitivo fuerte i produkshon di kalidat haltu. E ministerio ke logra esaki dunando servisio óptimo, trahando pa reforsá struktura di ekonomia i reakshonando na un manera efektivo riba desaroyonan den sosiedat i internashonal. Ministerio di DE ta responsabel pa maneho, ehekushon i supervishon den e siguiente áreanan i sub-áreanan di maneho:
Ministerio di Desaroyo Sosial, Labor i Bienestar (DSLB) ta tuma inisiativa pa, huntu ku tur siudadano, negoshi i institushon, stimulá desaroyo sosial i bienestar di e habitantenan di Kòrsou den direkshon di realisashon di un ambiente di biba, siña, traha i residensia ku ta duradero, salú, yen di amor, sigur, konstruktivo, ku ta sigurá kalidat di bida, ta stimulante i emansipá. Den esei famia, hubentut, trabou i desaroyo sosial tin un lugá sentral.
Den e kuadro aki ministerio ta trata di logra e siguiente metanan: fomentá koheshon sosial i un kultura di mediashon den bario, stimulá akseso na merkado laboral, bon relashon laboral, i seguridat sosial balansá i hustisia sosial. ‘Empowerment’ di habitantenan di Kòrsou, fortifikando akseso na retnan sosial fomentá desaroyo sano di mucha i fortifikando funshon di famia i protekshon di (derechonan di) famia i hubentut. Terenonan di maneho i ‘stakeholder’ Pa e ministerio di DSLB a ehekutá un análisis di ‘SWOT’, esta un análisis di puntonan fuerte i débil, oportunidat i menasa. Tambe riba base di esei a strukturá e ministerio segun tres tereno: desaroyo sosial: pa loke ta trata e tereno aki ta buska pa realisá vários estilo di kuido sosial (entre otro kuido di adikto, kuido di hende grandi, kuido di hende ku desabilidat). Banda di esei ta konkretisá e konsepto di desaroyo di bario mas aleu. Riba tereno di famia & hubentut ta enfoká riba bienestar di famia, maneho di desaroyo di hóbennan, maneho di ‘gender’ i protekshon di derechonan di mucha i di famia. E tereno di labor ta abarká tópikonan manera esfuersonan pa logra un grado mas altu posibel di partisipashon den labor, sirkunstansianan laboral optimal, bon kondishon di empleo i seguro sosial balansá.
Ministerio di Enseñansa, Siensia, Kultura i Deporte (ESKD) ta komprometé su mes pa garantisá ku tur habitante di pais Kòrsou tin oportunidat igual pa desaroyá kompletamente i krese bira un persona di pleno kapasidat ku potensial pa partisipá di un forma konstruktivo i kontribuí na desaroyo ekonómiko i desaroyo sosial general di sosiedat.
E Ministerio aki ta komprometé su mes ku: enseñansa aksesibel, inovativo i di kalidat altu ku ta enfoká riba desaroyo di tur posibilidat di esnan ku ta partisipá na enseñansa desaroyo fuerte di siensia oumento di konsenshi kultural i di partisipashon kultural aktivo di manera ku tur habitante ta haña posibilidat pa partisipá plenamente den sosiedat oumento di realisashon di importansia di deporte i moveshon dirigí riba stimulashon di deporte i moveshon.
Áreanan di maneho i ‘stakeholder’ Pa e Ministerio nobo di ESKD a ehekutá un análisis di ‘SWOT’, kiermen un análisis di puntonan fuerte i débil, oportunidat i menasa. Tambe riba base di esei a konkretisá interpretashon di e kuater áreanan di maneho di e ministerio:
Enseñansa: den e área aki loke ta sentral ta realisashon di e maneho di kual tur sorto di enseñansa ta organisá optimalmente i den kua alumnonan por pasa i sigui bai optimalmente.
Siensia: e área di siensia ta dirigí riba realisashon di un klima di investigashon ku ta invitá pa bon práktika di siensia i alabes establesé konekshon ku institushonnan sientífiko internashonal.
Kultura: e área di kultura ta dirigí riba desaroyo di konsenshi kultural i partisipashon kultural aktivo di tur Kurasoleño, di manera ku nan por desaroyá na un forma balansá. Ku esei e ta duna tambe un impulso na “nation building” i na tresementu e diferente identidatnan kultural huntu. Deporte: den di e área aki e enfoke ta pa realisá un skala di fasilidat deportivo i ampliamentu di e realisashon di importansia di deporte i movementu den di komunidat.
E mishon di e ministerio aki ta promové un maneho finansiero, fiskal i di duana, efektivo i balansá, pa atkisishon i uso responsabel, efikas i hustifiká di fondonan públiko i kontròl di asuntunan presupuestario. Alabes ehekushon efektivo i efisiente di asuntunan fiskal i asuntunan relashoná ku duana. Komo organisashon ministerio di Finansa (FIN) tin un funshon di modelo: e kolaboradónan ta di kalidat altu i di kondukta intachabel. Internamente i eksternamente ta apliká “checks and balances” di un forma konkreto i ta aktua segun normanan establesé adelantá (tantu den kondukta komo den maneho). Terenonan di maneho i ‘stakeholder’ Pa introdukshon di e ministerio di Finansa a ehekutá un análisis ‘SWOT’, kemen un análisis di puntonan fuerte, puntonan débil, oportunidat i menasanan.
Tambe riba e base ei a duna forma na konkretisashon di e tres tereno di maneho di e ministerio:
1. Maneho finansiero, maneho general i ehekushon:
2. Maneho fiskal i ehekushon Desaroyo di maneho fiskal (nashonal i internashonal), legislashon i supervishon: kriterionan efikas, efektivo i balansá Ehekushon efektivo i efikas di asuntunan fiskal.
3. Maneho di duana, legislashon i ehekushon
Ministerio di Gobernashon, Planifikashon i Servisio (GP&S) ta asumí un papel di liderazgo den realisá i salvaguardá un atministrashon públiko ku ta funshoná bon.
Ministerio di GP&S ta un ministerio nobo desde 2010, pasobra den konstelashon antiano no tabatin un ministerio direktamente ekivalente. En bista di su karakter inovativo i e echo ku e ministerio akí ta operá riba áreanan di maneho hopi variá, a opta pa formulá un mishon basta amplio p’e.
E ministerio akí su mishon, den su totalidat, ta lo siguiente.
Efisiensia i efektividat den henter aparato públiko: E ministerio tin e papel di duna direkshon na e proseso akí.
E ministerio lo desaroyá un maneho di informashon moderno pa aparato públiko i desempeñá tareanan atministrativo i di apoyo pa mehorá servisio tantu interno komo na públiko. Di e manera ei, lo desaroyá un sistema di suministro di informashon basá riba normanan moderno ku lo perkurá pa datonan di gobièrnu ta semper konfiabel, lokalisabel, aksesibel, outéntiko i kompleto.
Ademas, e ministerio ta tuma inisiativa pa yega na un aparato públiko kaminda tin e empleado públiko indiká asigná na kada puesto. Esun indiká ta un empleado nombrá a base di su kualidatnan, un empleado íntegro i ku ta keda desaroyá kontinuamente.
Ministerio di Hustisia ta enkargá ku kuido di estado di derecho, mantenshon di derecho, seguridat i órden públiko dentro di pais Kòrsou.
E ministerio di Hustisia nobo ta dirigí na promé lugá riba: desaroyo di maneho traha konsepto di legislashon hudisial kontribuí na kalidat di funshonamentu di partnernan den e kadena di kuido di seguridat pèrkurá pa seguridat, órden i trankilidat den komunidat di Kòrsou i en partikular seguridat di siudadanonan i tur hende ku ta permanesé temporalmente den pais Kòrsou.
Terenonan di maneho i ‘stakeholder’ ministerio di Hustisia ta responsabel pa maneho, ehekushon i supervishon di e siguiente terenonan di maneho: Órden Públiko i Seguridat.
Pa loke ta trata e tereno di maneho den Órden Públiko i Seguridat a pone e siguiente supterenonan huntu: seguridat den tráfiko i libertat di tráfiko protekshon di hende i edifisio mantenshon di órden públiko supervishon i kontròl protekshon kontra kandela, kombatimentu di insidente i kalamidat atmishon i permanensia Mantenshon di lei.
Pa loke ta trata e tereno di maneho di Mantenshon di Lei a pone e siguiente supterenonan huntu: detekshon persekushon ehekushon/detenshon re-edukashon, protekshon di hubentut i resosialisashon.
Ministerio di Salubridat Públiko, Medio Ambiente & Naturalesa ta pará pa protekshon optimal i mehoramentu di salubridat na Kòrsou. Alabes realisashon di un desaroyo duradero pa komunidat en general. E ministerio ta trata di realisá su metanan entre otro ku ehekushon di lei riba tereno di salubridat.
E ministerio ta konsistí di e siguiente organisashonnan:
1. Organisashon di Maneho
2. Sektor di Salubridat
3. Inspekshon di Salubridat Públiko (IVG)
4. Sektor di Agrikultura, Medio Ambiente i Naturalesa
Ministerio di Tráfiko, Transporte i Planifikashon Teritorial di Pais Kòrsou ta responsabel pa un desaroyo duradero riba tereno di tráfiko, transporte i planifikashon teritorial, ku e konseptonan ‘sano’, ‘sigur’ i ‘limpi’ komo enfoke sentral. E Ministerio akí ta un organisashon ku ta usa medionan inovativo pa mantené Kòrsou habitabel i aksesibel. Ministerio di TT&PT ta konsistí di dos sektor: sektor di Tráfiko i Transporte i sektor di Infrastruktura i Planifikashon Teritorial.
E sektor di Tráfiko i Transporte ta konsentrá spesífikamente riba aksesibilidat di pais Kòrsou for di eksterior i aksesibilidat riba su teritorio na un manera sigur i efektivo, via espasio aéreo, via haf i riba tera.
Fasilitashon di un transporte públiko óptimo tambe ta un di e aktividatnan klave den e sektor akí. Konekshonnan efisiente pa i for di Pais Kòrsou—i riba su teritorio—tin un efekto makroekonómiko enorme i ta influensiá tur sektor ekonómiko di e isla. Den futuro tambe reglanan internashonal riba tereno di transporte aéreo i marítimo lo sigui fiha rekisito pa e diferente formanan di transporte.
Ademas, e sektor akí lo enfoká riba protehá henter komunidat i propiedatnan físiko kontra situashonnan meteorológiko i geofísiko ku ta forma peliger pa sosiedat. E sektor akí ta karakterisá pa un grado haltu di lei- i reglanan internashonal ku e mester atené na dje.
Spesífikamente, e sektor di Infrastruktura i Planifikashon Teritorial ta okupá ku hasi i mantené e diferente áreanan residensial i di trabou di Pais Kòrsou aksesibel (na un manera sigur), satisfasé e nesesidat di tereno pa konstrukshon pagabel i organisá teritorio di e isla den áreanan ku diferente destinashon, inkluso ‘área bèrdè’. Ademas, e sektor akí tin un impakto grandi riba desaroyo sosioekonómiko i mantenshon di un ambiente aseptabel di biba pa tur ser bibu, riba término largu. Pa loke ta trata lei i regla, e sektor akí tin un karakter fuertemente lokal.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
