Hinduismo

Hinduismo ta e religion predominante i original di e subkontinente di India. Hinduismo mayoria biaha ta wordú referi komo Sanātana Dharma (un termino sanskrito nifikando "lei di eternidat") dor di su siguidornan. Tiponan generiko di Hinduismo, ku ta purba di akomoda un variedat di bista kompleho, ta span for di Hinduismo Vediko te ku tradishon di bhakti. E kuater koriente prinsipal ta vaishnavismo, shaivismo, shaktismo i smartismo. Hinduismo tambe ta inklui tradishonnan yogiko i un gran kantidat di "moralidat diario" basá riba e konseptonan di karma i dharma, ademas di e normanan soshal manera kustumbernan di kasamentu.

Hinduismo

Supkategoria di	Indian religions, folk religion, state religion
Fecha di fundashon òf kreashon	unknown value
Nòmber nativo	हिन्दूधर्मः
Nòmber duná di	Indus River
Lokalisá na	rònt mundu
Lugá di formashon	Sindh
Foundational text	Vedas
Presedí pa	Historical Vedic religion
Siguí pa	Budismo, Jainism, Sikhism
Influencia pa	Historical Vedic religion, Dravidian folk religion
Studiá pa	Hindu studies
Hashtag	hinduism
Karakterisá pa	politeismo, Pantheism, reincarnation, karma
Historia	history of Hinduism
Sait Stack Exchange	https://hinduism.stackexchange.com
Simbolo Unicode	🕉️

Hinduismo ta formá di tradishon nan diverso anto no tin un solo fundadó. Entre su raisnan ta e religion historiko di Vedic di India durante e Era di Heru, anto basá riba esei Hinduismo mayoria biaha ta wordu konsidera komo e "religion bibo mas bieu" òf e "tradishon mas bieu ku ainda ta wordu praktika".

Plamamentu

Mapa di plamamentu mundial di Hinduismo

Demografikamente, Hinduismo ta e di tres of di kuater religion mas grandi na mundu despues di Kristianismo, Islam i posibelmente Budismo, ku mas ku 1.000.000.000 di adherente, di kua aproksimadamente 1 bion, ta bibá na e republika di India. Otro poblashonnan signifikante ta na Nepal (23 míon), Bangladesh (14 míon) i e isla indones di Bali (3.3 míon).

Skritura

E sekto Swaminarayan su tèmpel situá na Delhi, segun e buki di guiness e ta e tempel Hindu mas grandi na mundu

Un kantidat grandi di teksto ta wordu klasifiká komo Hindu, dividi den tekstonan Śruti ("revelá") anto Smriti ("rekordá"). E tekstonan aki ta diskuti teología, filosofía i mitologia, i ta duna informashon tokante e praktika di dharma (bida religioso). Entre e tekstonan aki, e Vedanan ta e autoridat mas haltu, di mas importante i antiguedat. Otro skritura importante ta e Upanishadnan, Purāṇa-nan i e epikonan di Mahābhārata i Rāmāyaṇa. E Bhagavad Gītā, un tratado di e Mahābhārata, papiá dor di e dios Krishna, ta di importansia spesial.

Mira tambe e kategoria Hinduism di Wikimedia Commons pa mas dato mediatiko tokante di e tema aki.

Referensia E artíkulo aki òf un vershon anterior di dje ta un tradukshon di e artíkulo Hinduismo riba e Wikipedia hulandes, ku ta kai bao di e lisensia Creative Commons Attribution/Share Alike. Mira e historia di edishon einan.