Harvey Albert Gumbs (☆ 20 di mart 1973 na Willemstad) ta un pelotero i entrenadó di beisbòl i sòftbòl di Kòrsou. E ta eks-internashonalista ku e selekshon hulandes di beisbòl.
Pais di nashonalidat | Reino Hulandes ![]() |
---|---|
Nòmber di dilanti | Harvey ![]() |
Fam | Gumbs ![]() |
Fecha di nasementu | 20 mart 1973 ![]() |
Okupashon | pelotero ![]() |
Deporte | beisbòl ![]() |
Karera
Gumbs a nase i lanta na Kòrsou. Den su hubentut el a partisipa den liga Sentral pa e weganan di beisbòl di Little League na Kòrsou. Mas laat el a pasa pa WildCats KJ74, ekipo di Liga Dòbel A ku a titulá kampeon na varios okashon. E tabata bateadó designá, picher i outfielder. Gumbs ta bati i tira man robes.
Despues di a muda pa Hulanda, Gumbs a hunga dos temporada pa Sparta den un division net bou di e liga mayó (overgangsklasse). Hungando pa ADO na Den Haag e ta debutá den e division mas haltu hulandes na 1995.[1] Den su promé temporada, Gumbs a hunga den 34 wega i a bati .303 ku 40 hit; e siguiente temporada el a bati .384. Gumbs ta laga beisbòl pa hunga un temporada den e liga mayó di softbòl den e tim di Kokolishi, pero ta bolbe na ADO na 1998, e biaha aki batiendo .438 ku 46 hit, inkluyendo nuebe homerun, i 24 RBI.[1] Na 1999, el a hunga un temporada pa Amsterdam Pirates, batiendo .353, pero despues el a bolbe pa di tres biaha na ADO, unda el a liderá e ekipo na 2000 ku un promedio di .390 bate. Despues di dos temporada mas, el a sigui pa pasa dos aña pa Almere '90, pero despues a bolbe ADO pa un di kuater biaha. Den su prome aña bek, 2005, Gumbs a liderá ADO cu un promedio di .293 y 44 hit. Debí na un herida, e no a hunga na 2006, despues el a agregá 12 wega mas na 2007. Seguidamente e ta swich pa Storks, un ekipo den un liga mas abou. Den temporada 2010/11 e ta hasi su comeback den e liga grandi hulandes ku e ekipo di ADO.[1]
E ta entrenadó di Curaçao Neptunus di Rotterdam, un klup di beisbòl i sòftbòl den liga mayó hulandes. Na 2016 el a forma parti di e staf tékniko pa e partisipashon di e selekshon nashonal di Hulanda na e weganan mundial di sòftbòl.[2]
Karera internashonal
Na 2001 Gumbs a debutá den e selekshon hulandes di beisbòl prinsipalmente pa motibu di su forsa fenomenal. E tabata un miembro di e selekshon ku a partisipá na World Port Tournament (2001) na Rotterdam, hungando ocho wega, i na Haarlem Baseball Week (2002). Sinembargo, un herida a strob'é di partisipá na e Kopa Interkontinental i e Kampeonato Mundial ku a tuma lugá mas laat den aña.[1]
Link eksterno
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.