kantante merikano From Wikipedia, the free encyclopedia
Britney Jean Spears (☆ 2 di desèmber 1981 na McComb, Mississippi) ta un kantante merikano.
Britney Spears | ||
---|---|---|
![]() | ||
Informashon básiko | ||
Nasementu | 2 di desèmber 1981 McComb | |
Obra | ||
Ofishi | kantante | |
Instrumento | bos, piano | |
Wèpsait ofisial (en) AllMusic-profil (en) Discogs-profil (en) IMDb-profil (en) Last.fm-profil (en) MusicBrainz-profil | ||
Firma | ||
![]() | ||
[Editá Wikidata] · [Manual] |
Spears a nase na McComb, Mississippi na Merka. Su mayornan, James Parnell Spears (a nase na 1952, profeshon: kontraktista) i Lynne Irene Bridges (a nase na 1956, profeshon: eks-dosente), ta divorsiá. Su rumannan ta Bryan (1977) i Jamie Lynn Spears (1991), cu ta aktris i kantante.
Britney su promé single ...Baby One More Time a aparesé na final di 1998. E kantika tabata un hit global; den kasi tur país e kantika a yega number 1. Di e single, mas ku 3.8 mion kopia tabata bendí, 2.2 mion den Inglatera i Merka. No hopi despues, su promé album ku tambe yama ...Baby One More Time a aparesé. E album tabatin éksito igual. Más ku 28 mion kopia di e album tabata bendí, mas ku 14 mion den Merka. Otro single di e album tabata (You Drive Me) Crazy, Sometimes, Born to Make You Happy, i From the Bottom of My Broken Heart.
E siguiente album, Oops!... I Did It Again, a aparesé den 2001. E album tabata tin un éksito ku parse esun promé. E promé single di e album, Oops!... I Did It Again, tambe tabata un éksito grandioso, e kantika a yega number 1 den hopi país anto di dje mas ku 1.5 mion tabata bendí. Di e album mes, mas ku 24 mion tabata kumprá.
Despues di su di tres album Britney (2001), ku tabata sumamente menos eksitoso kompará ku e promé dos album (mas ku 8 mion), Britney a disidí di pone mas atenshon riba su promé pelíkula ofisial, Crossroads. Den e pelíkula, Britney ta hunga e ròl di Lucy, un mucha ku a kaba di kaba skol anto ku ke hasi un kos di sumes, lugá su tata tin tur kos planiá kaba. E ta disidí di bai foi kas ku dos otro amiga anto ta bai L.A., pa hasi oudishon pa bira kantante. Durante nan trip, nan ta pasa den yen di kos; Lucy ta haña sa ku un di su amiganan (Mimi) ta na barika, nan ta haña nan mes tin ku kanta den un bar pa sen, ora e topa su mama (paso esaki tabata su motibu mes), e mama ta bise ku e no tabata nada di haber kune for di dia ku e a nanse, nan ta haña sa ku ta Kit (e otro amiga ku a bai) su frei a abuzá Mimi seksualmente. E pelíkula a produsí mas ku $37 mion na Merka.
Durante su break, banda di e frakaso di e pelíkula, e mester a pasa dor di kiebro di kurason; Justin Timberlake a kibra e relashon kune. Den 2003, Spears a bini bèk ku su di kuater album kaba, In the Zone. E promé single di e album ta un kolaborashon ku Madonna, Me Against the Music. Otro singlenan ku a aparesé despues ta Toxic ku Everytime. Britney tabata pa bini ku mas single, pero pasombra e a frakturá su rudia filmando e video clip di su di kuater single Outrageous, e mester a para esei. Den 2004, Britney mester a bini ku un otro album, pasombra e tabata tin un 5-album kontrakto ku Jive, ku lo kaduká e aña ei mes. Pa e motibu aki, e a disidí pa sali ku Greatest Hits: My Prerogative, un album ku tur su hit singles. Riba 18 di novèmber, Spears a kasa ku Kevin Federline. E siguiente aña, nan a haña un yu, Sean Preston Spears Federline (14 di sèptèmber 2005). Fin di 2005, Jive Records mes a disidí di mix Spears su kantikanan anto saka un album. Esaki a bira B in the Mix: The Remixes. Britney mes a bisa ku e ta bini bek ku un album fin di 2006, pero paso ku e a haña un yu mas, e album no a spera di sali te den 2007.
Dia 16 di febrüari 2007, Spears a ingresa den un fasilidat di rehabilitashon di droga offshore na Antigua, sinembargo el a keda ménos ku binti-kuater ora presente. E siguiente anochi, Spears a drenta un pelukeria na Tarzana, California kaminda e mes a kue un mashin di pela i a kontinuá di feita su kabei hopi kòrtiku.
Un par di dia despues, riba 20 di febrüari 2007, Spears a inskribí su mes den un fasilidat di tratamentu na Malibu, California. Su manager a splika lokual a sosodé ku e siguiente deklarashon; "Nos ta puntra e medionan di komunikiashon pa respetá su bida privá meskos ku esun di su famia i su amistatnan durante e tempu aki". Pronto Spears a bai laga e fasilidat, pero ya riba 22 di febrüari 2007 e a regresá.
E dia anterior Spears su eks-kasá Kevin Federline a supliká un interogashon di emergensia tokante e tutela di su yunan ku Spears, pero su abogado a anunsiá despues ku su kliente (Federline) a hasi un petishon pa anulá e aparishon di korte. Nan no a agregá niun aklarashon mas.
Spears a bai laga e fasilidat di rehabilitashon dia 20 di mart segun su manager, ku a anunsiá ku nan a laga Spears liber despues ku e a "terminá nan programa susesivamente". Un amistat di Spears a konta e revista People ku Spears "tabata mas mihó".
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.