Tambú ta un instrumento musikal, pero tambe un género di músika, kanto i baile tipiko di prinsipalmente Kòrsou pero ku ta wòrdu toka tambe, aunke menos, na Aruba i Boneiru. E músika di tambú ta ser toká i skucha prinsipalmente fin di aña.
| Pais di orígen | Aruba, Kòrsou, Reino Hulandes  |
|---|---|
| Instrumentation | tambu drum |
| Intangible cultural heritage status | Inventory Intangible Cultural Heritage in the Netherlands |
| Describi pa URL | https://www.immaterieelerfgoed.nl/en/tambu |
| Reference URL | https://www.immaterieelerfgoed.nl/en/tambu |
Katibunan prosediente di Kòrsou a hiba e músika di tambú Boneiru, Aruba, Coro (Venezuela) i Puerto Rico. Tambú su komienso tabata na momentu ku antes ku e katibunan tabata ke ekspresa nan mal kontentu, di e mal trato ku nan ta haña serka e shon nan tabata hasi esaki den e forma aki. Di kual ku awendia bo ta mira ku e influensia tei ainda debi ku na Kòrsou ora nan ta toka esaki si bo tende e letranan nan ta ekspresa nan mal kontentu di e aña ku ta kabando i asina aki na un manera sano nan ta saka tur nan pensamentu nan. I tambe awendia e músika di tambú ta wòrdu toka tambe na un forma poko modifika i ku algun otro instrumento na Boneiru, Aruba, i Coro. Den tambú na Aruba ta distingui tres ritmo prinsipal: e siya, e biento i e punda.[1]Probablemente e úniko grupo di tambú awendia na Aruba ta Sodo y Cuero di e bario di Brasil.
Na 2012 e fotografo Catrien Ariëns di Amsterdam a traha un dokumentario tokante tambú, titulá Nochi no ke laga mi bai. E ta mustra kon importante su forma di kanto i baile ta, di unda e ta bini i kon kontentu e yu di Korsou ta bira di esaki.
Algun di e gruponan di tambú di mas konosí na Kòrsou ta Zojojo i su grupo i Grupo Trinchera. Ta konsiderá Nicolas Susana, mihó konosí komo 'Shon Cola', komo e kantante mas grandi ku e género di tambú a produsí. Na novèmber 2016, tambù a wòrdu agregá na e inventario di herensia kultural di Hulanda (Inventaris Immaterieel Culturel Erfgoed Nederland).
Den Bandariba den un kas históriko, e Kas di Kaha, ta situá e 'Museo di Tambú Shon Cola' ku un kolekshon tokante e historia di e tambú na Kòrsou i su ekspanshon pa Boneiru, Aruba, Las Tunas na Cuba, Coro na Venezuela i Hulanda.
E músika di dande, ku ta wòrdu toka na Aruba fin di aña, tambe ta famia direkto di tambú. E músika di tumba ku ta konosi na Aruba, Boneiru i Kòrsou ta relata na e músika tambú di Kòrsou. Na Kòrsou ta hasi distinshon entre tambú weis largu i tambú telelele.
Na Puerto Rico e músika a evoluá den loke awendia ta yamá 'bomba hulandes'.
- Ariens, Catrien (2012). "Nochi No Ke Lagami Bai / The Night Holds Me Back". https://www.youtube.com/watch?v=132MQ5lsdns. Dokumentario tokante tambú, Youtube, tempo 52:21.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
