Spaño

Spaño of Castellano ta un idioma Romano cu a bin como un dialecto di Latin. E ta un di e seis idioma oficial di e Organisacion Nacionnan Uni. Tras di Chines mandarin, Spaño ta e lenga mas papia rond mundo y hopi hende tin e como idioma di cas, como lenga materno. E ta oficial den varios organisacion mundial, entre otro, Union Europeo, Union Africano, Organisacion di Estado Uni, NAFTA, Caribbean Community y tambe e tawata den Tratado di Antartica. Mas cu 500 miyon di hende por papia Spaño y ta e lenga mas studia rond mundo banda di Ingles. Ta bisa cu Spaño ta e di tres lenga mas uza den internet. Manera tur idioma Romano, Spaño a evoluciona cu tempo, e ta bin mas tanto di Latin Vulgar.

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Spaño
español
Utilisa na	Argentina  Bolivia  Chile  Colombia  Costa Rica  Cuba  Brasil (papiá ku lenga minoritario)  Ecuador  El Salvador  Spaña  Guatemala  Guinea Ekuatorial  Honduras  Mexico  Nicaragua  Panama  Paraguay  Peru  West Sahara  Republika Dominikano  Uruguay  Venezuela  Estadonan Uni di Amérika (papiá ku lenga minoritario, na estadonan di Texas, Florida i California)
Nativo pa	Europa, America, Caribe, Africa
Populacion  di usuario	~406 000 000
Famia  linguistico	Indo-europeo Italico Romanico West Ibero-romanico Ibero-west
Sistema di  scritura	Alfabet Latino
Codigo
ISO 639-1	es
ISO 639-2	spa
ISO 639-3	spa

E Romanonan a introduci Latin, e basis pa tur lenga Romano, na e Peninsula Iberico durante e di dos Guera Punico rond di 210 BC. Durante 5 AD., e vandalnan Germanico, Suevi, Visgodonan y otro gruponan di Europa Oriental a invadi Hispania. Pa motibo di e conkista di Spaña na man di e Moronan, e idioma Árabe a influencia Spaño. E idiomanan di tur e invasornan a influencia Spaño grandemente. Spaño moderno, cu e ahustacion di e consonantenan (o silabanan) a nace den siglo diescinco. E lenga ta sigui adopta palabra di otro idioma, manera Ingles, Griego, y tambe a bini cu palabra nobo. A tuma Castellano tambe den e continente Mericano y tambe na Africa y Asia Pacifico via e expansion di e imperio Spaño entre siglo diescinco y diesnuebe.

Mexico ta contene e cantidad mas grandi di papiado di Spaño na mundo.

Paisnan cu Spaño como idioma oficial (2020)

Lenga romániko

Aragonês • Aromeno • Asturiano • Asturo-leones • Corso • Dalmata • Emiliano • Engadino • Extremeño • Frances • Franco-provençal • Friulano • Gayego • Istrioto • Istro-romeno • Italiano • Katalan • Ladino • Leones • Ligur • Lombardo • Mirandes • Napolitano • Occitano • Picard • Piemontes • Portugues • Romanche • Romeno meglesita • Rumano • Sardo • Siciliano • Spaño • Talian • Veneto • Walon