![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e2/RIF_FORT%252C_WILLEMSTAD%252C_CURACAO.jpg/640px-RIF_FORT%252C_WILLEMSTAD%252C_CURACAO.jpg&w=640&q=50)
Riffort
From Wikipedia, the free encyclopedia
Riffort ta un di e ocho fòrti na Kòrsou y ta situá na parti west di e entrada di e bahia di Santa Ana.
Fecha di fundashon òf kreashon | 1828 ![]() |
---|---|
Pais | Kòrsou ![]() |
Situá na | Willemstad ![]() |
Lokalisá na | Otrobanda ![]() |
Koordinato geográfiko | 12°6′20″N 68°56′14″W ![]() |
![Map](http://maps.wikimedia.org/img/osm-intl,10,12.10549,-68.93716,266x266.png?lang=pap&domain=pap.wikipedia.org&title=Riffort&revid=109411&groups=_80bcb7c06a831f841f0a73966cb35d8f5b00f95d)
Na 1824 teniente-general Krayenhoff a wòrdu apunta dor di Rei Willem I pa mehora e obranan di defensa obsoleto i dekaí na Kòrsou. Riba enkargo di Krayenhoff a kuminsa ku konstrukshon di Riffort i Waterfort. E entrega a tuma lugá dia 29 di desèmber 1829. E konstrukshon di e fortinan no tabata solamente pa motibu militar, sino tambe pa duna trabou na esnan desempleá riba e isla pober.
E forti ku siguridat kompleto tabata vigila e entrada di e bahia di Santa Ana i e rantnan di Otrobanda. Huntu ku Waterfort e tabatin kontrol total di e entrada di e puerto; Fort Amsterdam perdiendo asina masomenos su funshon. Riffort tabata dispone di 56 kañon. Banda di e forti tabatin un espasio sigur unda tabata warda e kadena ku kual por a sera e entrada di e bahia den 12 minüt.
Despues ku el a pèrdè su balor militar den kurso di siglo 20 e forti a fungi komo edifisio di gobièrnu i warda di polis. Mas despues a establesé aki un sentro komersial, Renaissance Mall & Casino.
E forti ta pertenesé na Herensia Mundial di UNESCO komo parti di e sekshon históriko di Willemstad, tantu e sentro komo e puerto.