From Wikipedia, the free encyclopedia
Ing JPEG 2000 metung yang standard ning pamanyiksik larawan o image compression a basi king wavelet. Lelangan ne ning lupung (committee) a Joint Photographic Experts Group kanitang banuang 2000 king kapakayan nang alilan ya ing orihinal a standard a JPEG (a melalang bandang 1991) a basi king discrete cosine transform. Ing standardized filename extension, .jp2 ya para king ISO/IEC 15444-1 conforming files, at .jpx ya para karing extended part-2 specification, a mibulalag antimong ISO/IEC 15444-2, kabang ing MIME type, image/jp2 ya.
Mangailangan yang misnang karakal a panaun king pamaglako pangasiksik (decompression) kesa king JPEG, at paintulutan na ing mas matas a uring pamanguldas [simpan] (sophisticated progressive downloads), dapot halus pareu ing panaun da para king pamanyiksik (compression rates). Lalu yang pupulâ ing HOEG kuntoru mitatas ing pamiyanting pamaniksik (compression rates), imbes na magpalual kareng "blocking and ringing" artifacts ning JPEG, anian lalung sasákit ing diretsung pamikumpara da reng karelang bilis ning pamanyiksik (compression rate).
Mibulalag ya antimong ISO standard, ISO/IEC 15444-1:2000, ing metung a dake ning JPEG 2000. Aniang banuang 2008, e pa maleparan ing pamangamit da reng web browser king JPEG 2000, ania e pa pangkabilugan ing pamangamit kaniti king World Wide Web.
Lipat ning gínawa nong paralan ba lang ibage deng miyayaliwang uri da ring meta-data, king salukuyan, ala pang matatanggap a paralan ba yang ilangkap (embed) la reng Exif data, dapot atin nang memunikalang JPEG 2000 "JpgTiffExif->JP2" UUID box bang manyalikut impormasiun, at papaliari ne ning ExifTool version 6.92 o mas bayu.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.