Chhattisgarh

Ing Chhattisgarh (Chhattisgarhi/Hindi: छत्तीसगढ़, IPA: [tʃʰət̪t̪iːsgəɽʰ]) pronunciation , metung yang estadu king kalibudtang India, a mitikdo aniang megi lang makakawaning estadu deng labing-anam (16) a distritu king mauli-aslagan nang dake ning estadu ning Madhya Pradesh kanitang Noviembri 1, 2000. Ing Raipur ing kayang tungku (capitoliu o cabecera). Maki lapad yang 52,199 sq mi (135,194 km²), at kapulu yang pekamaragul a estadu ning India agpang king lapad. Ibat ne ing lagiu na kiaring 36 (ing chattis, mangabaldugan yang "atlung pulu't anam" king Hindi, at ing garh, "kuta" ing buri nang sabian) a estadung mardika o princely state king labuad a iti manibat kanitang minuna pa, dapot ating e pamikasundu king bilang a 36.^[who?]

?Chhattisgarh India
Coordinates: 21.27, 81.6
Oras zona	IST (UTC+5:30)
Lualas	135,194 km² (52,199 sq mi)
Tungku	Raipur
Pekamaragul a lakanbalen	Raipur
Distritu)	16
Populasiun • Pangasiksik	20,795,956 (17th) •
Amanu	Chhattisgarhi,Hindi
Governor	Ekkadu Srinivasan Lakshmi Narasimhan
Chief Minister	Raman Singh
Established	2000-11-01
Legislature (seats)	Unicameral (90)
ISO abbreviation	IN-CT
Website: www.chhattisgarh.nic.in
Seal of Chhattisgarh

Makalele ya king Madhya Pradesh king pangulu-albugan, Andhra Pradesh king mauli, Orissa king aslagan, Jharkhand king pangulu-aslagan, ampong Uttar Pradesh king pangulu.

Ing Chhattisgarhi (amanu), kayabe ya king grupung Aslagan-Kalibudtan da reng Amanung Indo-Aryan, at yang amanu da reng keraklan king labuad a iti. Tuturing deng dialectu ning albugang Hindi deng keraklan. Deng tau king mauling Chhattisgarh, dialectu da reng Amanung Dravidian ing karelang gagamitan. Deng aliwang amanu king Chhattishgarh ila pin deng Hindi, Oriya, Marathi ampong amanung pantribu. Ing bersion ning dialectung kikilalanan ampong daralan ning kapamahalan ya pin itang salita ra kareng kapatagan ning Raipur ampo ing dibision ning Bilaspur, a derechung makalalam king Britania kanitang kalabing-siam (19th) ampong mumunang apat a decada ning kaduang pulung (20th) dilanua/siglu. Ing dialectu king lugal da reng sadiang estadung mardika aliwa ya datang ketang gagamitan da king "Khalsa Chhattisgarh", ing lugal a derechu nang tatalnan ning Britania kanita. King pangulu ning estadu ning Sarguja, ing amanu me-influencia ya kareng dialectu ning Vindya Padesh, Uttar Pradesh ampong Bihar. Ausan deng "Sargujia" ing amanu deng tau karin ba reng pakialiwa king Chhattisgarhi. King bandang aslagan naman, a megi rang sakup deng estadu ning Raigarh, Sarangarh ampong Phuljhar (Saraipali), me-influencia ya king Oriya ing amanu.