Kolkata

Ing Kolkata  (Bengali: কলকাতা), IPA: ['kolkat̪a], sadiang Calcutta , ing tungku (cabecera o capitoliu) ning estadu ning Albugang Bengal (West Bengal), India. Atiu iti king Aslagang India (East India), king aslagan nang pampang ning Ilug Hooghly. Neng ausan deng "Kolkata", keraklan kayabe la reng kayang karulun (suburbs), ania miras yang maigit yang labing limang miliun ing kayang populasiun, at megi yang katlung pekamaragul a lakanbalen o ciudad ampong urban agglomeration.

Ing "Calcutta" lilipat ya keni. Para keng aliwang gamit, lawen ye ing Calcutta (disambiguation).

?Kolkata Albugang Bengal • India
Ing Victoria Memorial Ing Victoria Memorial
Kolkata
Coordinates: 22.572672, 88.363882
Oras zona	IST (UTC+5:30)
Lualas • Kátas	1,500 km² (579 sq mi) • 9 m (30 ft)
Distritu	Calcutta †
Populasiun • Pangasiksik • Metro	4,580,544 (2001) • • 14,681,589
Amanu	Bengali, English, Hindi
Mayor	Bikash Ranjan Bhattacharya
Kodiku • Pincode • Telepanu	• 700 xxx • +91 (33)
Website: www.kolkatamycity.com
† The Kolkata urban agglomeration also includes portions of North 24 Parganas and South 24 Parganas districts.

Migsilbi yang tungku ning India kanitang makalalam ya makalalam ya pa king Britania ing India, anggang 1911. Ing sadiang sentru ning makabayung pamanuru, industria, siensia, kalinangan ampong pulitika king India dinalan ya ing Kolkata king masipit a biolensia king pulitika, pamipate-pate ampong kayalang kasaplalan king kabiayan, manibat aniang 1954 angga ngeni. Nanupata, magumpisa aniang banuang 2000, mika pamagbayu king kabiayan o ekonomia, ania mika pamaniulparit (spurt) king pamandagul ning lakanbalen. Kalupa ka reng aliwang metropolitan a lakanbalen ning India, makipamuk ya pa murin ing Kolkata king urbanisasiun, kakaluluan, polusiun ampong trapiku.

Pikabaluan ya ing Kolkata king amlat nang rebolusionariu, manibat king pamakipamuk ning India para king katimawan, angga kareng pangimut a maka-kaili ampong union a pangkalakal (trade union).