![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9d/Plumb_bob.jpg/640px-Plumb_bob.jpg&w=640&q=50)
Patulu
From Wikipedia, the free encyclopedia
Ing patulu (plumb-bob o plummet king Ingles, plomada king Castila) metung yang pabayat a matilus king lalam at makasabit king leting. Gagamitan deng gulis a batayan o dalerayan king direksiung patikdo (vertical reference line).
![Thumb image](http://upload.wikimedia.org/wikipedia/commons/thumb/9/9d/Plumb_bob.jpg/640px-Plumb_bob.jpg)
Kanita pang panaun da reng minunang tau Ehiptu, gagamitan da ne ing kasangkapang iti deng kanteru ampong karpinteru ba lang siguradung eksaktu lang matulid tikdo o "plumb" deng karelang gagawan. Malyari ya muring gamitan king pamanyukad leparan (surveying) ba yang ituru (sight) ing metung a lugal king gabun a e mayayakit masalese. Magagamit la reng mangalating patulu kareng kasangkapan antimo reng nibel (level) ampong theodolite. Gagamitan da la naman ba yang saktung itulid (set) ing metung a instrumentu king datum marker a permanenti (fixed), bayu ing pasibayung pamamasa kaniti. Sasabit ya ing patulu ketang "center of gravity" o sentru ning bayat ba lang eksaktu pangatikdo deng pader.