From Wikipedia, the free encyclopedia
Ing palungpung (shrub o bush king Ingles, arbusto king Castila) metung yang uri o categoriang mas maki kaugnayan king pamananam tanaman (horticultural) kesa king maigpit a categoria king botanica o pamanigaral tanaman. Makikilala ya at makayaliwa king pun dutung kareng kayang dakal a tangke (multiple stems) ampong mas mababang kátas, a keraklan mas mababa king 5–6 m (15–20 pie) kátas. Dakal la reng tanaman a maliaring sabiang palungpung o pun dutung, depende king kabilian ning karelang pangatanam. Deng mangalati ampong mababang palungpung, anti reng lavender, chichirica ampong thyme maralas dong ausang subshrub.
Ing lugal da reng pakatanam a palungpung king parque o mula/jardin ausan deng shrubbery. Neng gugupitan do antimong topiary, makapal la bulung deng palungpung, at sigí-sigî lang tutubu deng dakal a mangalating sangang mabulung. Masanting ing epectu ning pamagbayung pamangutud o renewal pruning deng dakal a palungpung, nung pupututan la reti angga king tangke magpatubu ya kareng bayu ampong mangakabang tangkeng ausan dang "canes". Deng aliwang palungpung, mas buri ra ing pamamili king pamamutut bang lunto ing karelang pangabalangkas ampong kaurian (character).
Keraklan, mangalapad la bulung deng palungpung a karaniwan dang gagamitan kareng mula, dapot mala-palungpung la murin pangabalangkas deng mangalating conifer o kamaganak da reng pino antimo reng Mountain Pine ampong Common Juniper. Maliari lang malalagas bulung (deciduous) o maki bulung mabilug a banua (evergreen).
Deng maki marcang * maliari la muring dagul at maging anting pun dutung.
|
|
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
