![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/db/Matsue_castle01bs4592.jpg/640px-Matsue_castle01bs4592.jpg&w=640&q=50)
Matsue (castillu)
From Wikipedia, the free encyclopedia
Ing Matsue Castle (松江城, Matsue-jō?) metung yang piudal a castillu king Matsue king Shimane prefecture, Hapon. Mirinan yang palayong "matuling a castillu" o "castillu ning plover (uri ning ayup)", at metung ya kareng ditak namung mitatagan a castillu ibat king Edad Media king Hapon, detang ditak namung mitatagan king sadia rang materialis a dutung, at e mitikdong pasibayung gawa king sementu.
![Thumb image](http://upload.wikimedia.org/wikipedia/commons/thumb/d/db/Matsue_castle01bs4592.jpg/640px-Matsue_castle01bs4592.jpg)
![Thumb image](http://upload.wikimedia.org/wikipedia/commons/thumb/6/62/Matsue_Castle_Ninomaru.jpg/640px-Matsue_Castle_Ninomaru.jpg)
Migumpisa ing pamangawa king Castillu ning Matsue kanitang 1607 at meyari kanitang 1611, lalam ning ginu ning lugal a i Horio Yoshiharu. Aniang 1638, miyalis ya ing sakup (fief) ampo ing castillu king Matsudaira clan, metung a anák a sanga ning manibalang Tokugawa clan.
Mituran la o mesira uli ning gera, ayun o aliwa pang sangkan deng keraklan kareng castillung Hapon,. Uling dutung ing maragul a dake da reng megamit a materialis, metung ya kareng manimunang panganib kareti ing silab. Uling mitikdo ya kaibat ning tauling maragul a gerang piudal ning Hapon, e ya mekadanas gera iti. Nanupata, den mung aliwang pader ampo ing sentru (keep) ing atiu ngeni.