Manipur
From Wikipedia, the free encyclopedia
Ing Manipur pronunciation (help·info) (mnipur king Meitei Mayek) metung yang estadu king pangulu-aslagang India. Padurutan de reng estadu ning Nagaland king pangulu, Mizoram king mauli ampong Assam king albugan; kasiping ne mu naman ing bangsang Myanmar king aslagan. Maki lapad yang 8,628 sq mi (22,347 km²). Ing lakanbalen o ciudad ning Imphal ing kayang tungku (capitoliu o cabecera).
?Manipur India | |
Coordinates: 24.817, 93.95 | |
Oras zona | IST (UTC+5:30) |
Lualas | 22,347 km² (8,628 sq mi) |
Tungku | Imphal |
Pekamaragul a lakanbalen | Imphal |
Distritu) | 9 |
Populasiun • Pangasiksik |
2,388,634 (22nd) • |
Amanu | Meiteilon |
Governor | Gurbachan Jagat |
Chief Minister | Okram Ibobi Singh |
Established | 1972-01-21 |
Legislature (seats) | Unicameral (60) |
ISO abbreviation | IN-MN |
Website: manipur.nic.in | |
Seal of Manipur |
Deng tau iba king lahing Meitei ing keraklan a makatuknang king labuad a lambak (valley region) ning estadu, at ilang manimunang lahi keti. Ing karelang amanu, ing Meiteilon (a ausan da muring Manipuri) ing lingua franca ning estadu, at mekilala ya antimong metung kareng pambansang amanu ning India kanitang 1992. Karen no mang talimunduk ning estadu manuknangan deng lahing Kuki ampong Naga. Tuturing deng maselan a estadu king angganan (sensitive border state) ing Manipur.
Kailangan lang mika Restricted Area Permit deng dayung lulub king Manipur (kayabe no reng memalen da reng aliwang bangsang mibait king estadu). Maliari kuma kaniti kareng Foreigners’ Regional Registration Office karing lakanbalen a (Delhi, Mumbai, Kolkata, Chennai) ampo reng aliwang tanggapan da reng kapamahalang estadu. Angga la mung apulung aldo maliari deng kapaintulutan a reti, at kailangan lang maglakbe deng bisita kareng tour da reng mipaintulutan a travel agent, at kareng grupu da reng apat a katau. Bukud kaniti, kailangan lang lungub kapamilatan ning angin (kareng eruplanu), at e la maliaring lumual king tungku/capitoliu.