![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/62/Kulitan.svg/langpam-180px-Kulitan.svg.png&w=640&q=50)
Kulitan
From Wikipedia, the free encyclopedia
Ing Kulitan (Súlat Kapampangán: )
métung ya karéng myayaliwang tindûk o úri ning pámanyúlat king Pilipinas. Panyúlat dé itî king Kapampángan (amánu), a amánung gagamítan da king Pampánga, Tarlac, Bataan ampong Nueva Ecija.
Ing Kulitan métung yang Abugída o kaparalánan ning pámanyúlat a Alphasyllabary sistéma ning pámanyúlat nung nókarin ing déng súlat para karéng makikatni (consonant) tambing nong maki katning para king kákatni (vowel) (possess a default vowel sound) a malyáring míyalilan kapamilátan da réng garlit (diacritical marks). Kalúpa dé réng áliwang súlat king Mauli-Aslagang Ásya, king India ya ménibat ing minuná nang itsura ning kulitan.
Ing Kulitan mu ing ating istílu ning pámanyúlat kéng pilipinas a makasúlat mula kéng wanan patawling kaili, patalakad ménibat kéng bábo angga palálam kalúpa na ning kaugalian insik. Kéng tradisyúnal, susúlat ya ing kulitan karéng kawáyan, bulúng-tanáman, batú ampo papil at márakal pa.