Venezuelan President From Wikipedia, the free encyclopedia
I Hugo Rafael Chávez Frías (Pangayagkas a Castila: [ˈuɣo rafaˈel ˈtʃaβesˈfɾi.as]; mibait 28 Julio 1954 - 5 Marzo 2013) ing kasalungsungan a Pamuntuk ning Venezuela, at makalukluk king pusisyun a iti manibat kanitang 1999. Sadya neng pekapun ning partido politikal a Fifth Republic Movement manibat king kayang pamitátag anyang 1997 angga kanitang 2007, nung kapilan ya meging pekapun ning United Socialist Party of Venezuela (PSUV). Dikil king kayang ideolohiyang pampulitika ning Bolivarianism ampong "Sosyalismu para king Kadwang Pulu't Metung a Dilanwa/Siglu", titukan na ing pamipalyari kareng kapanumanan o repormang sosyalista king bangsa antimong dake ning proyektung pang-sosyedad a ausan nang Rebolusyon a Bolivarian, nung nu merapat ing pamipalyari ning bayung punbatas, konseho o lupung king participatory democratic ampo ing nasyonalisasyun da reng mapilan a manimunang industria.
Hugo Chávez | |
Pamuntuk ning Venezuela | |
---|---|
Kadwang Pamuntuk | Julián Isaías Rodríguez Diaz [[Adina Bastidas]] |
Elilan neng | Rafael Caldera |
Mibait | Juliu 28 1954 (idad 70) Sabaneta, Venezuela |
Partido political | Fifth Republic Movement
(1997–2008) |
Other political affiliations |
Great Patriotic Pole (2011–present) |
Asawa | Nancy Colmenares (divorced) [[Marisabel Rodríguez de Chávez|Marisabel Rodríguez]] (1997–2004) |
Pípagaralan | Venezuelan Academy of Military Sciences |
Pirma | |
Pamagsilbi king militar | |
Allegiance | |
Sangang págsilbyan | Army |
Banwa ning serbisyu | 1971–1992 |
Ranggu | Lieutenant Colonel |
Mibait ya king metung a pamilyang uring talapagobra king Sabaneta, Barinas, i Chávez, a meging opisyal king militar, at kaybat nang e mekuntentu king sistemang politikal ning Venezuela, tetag ne ing masikretung Revolutionary Bolivarian Movement-200 (MBR-200) anyang mumunang dake ning dekadang 1980 ba yang ilako iti. Penimunan neng Chávez ing MBR-200 king e migtagumpeng coup d'état laban king kapamahalan nang Democratic Action ning Pamuntuk Carlos Andrés Pérez anyang 1992, at mesukul ya uli na niti. Anyang mebulus ya kaybat ning adwang banwa, tetag ne ing metung a partido politikal a social democratic ing Fifth Republic Movement, at anyang and was miyalal yang pamuntuk ning Venezuela anyang 1998. Kaybat, pepalyari ne ing bayung punbatas o konstitusyon a migdagdag kareng karapatan da reng grupung mikalilwa (marginalised groups) at elilan ne ing pangabalangkas na o istruktura ning kapamahalan ning Venezuela, at anyang miyalal yang pasibayu anyang 2000. Ketang kadwa nang terminung pangpamuntuk, linúb ne ing sistema da reng Bolivarian Missions, Communal Councils ampong kooperatibang panibalan da reng talapagobra, ampong programa ning reporma king gabun, kabang bibili no king kapanibalan ning kapamahalan deng miayaliwang manimunang industria.
Lalarawan nong Chávez deng kayang polisiya antimong laban king imperialismo, at metung yang masikan a kritiku ning neoliberalism at king kabilugan ning kapitalismu, at metung yang manimunang kalaban ning polisiya nang panglual ning Estados Unidos.[1] Metung yang malapit a ka-alyadu da reng kapamahalan a komunista nang Fidel at kaybat Raúl Castro king Cuba ampo reng kapamahalan a sosyalista nang Evo Morales king Bolivia, Rafael Correa king Ecuador ampong Daniel Ortega king Nicaragua, at ing kayang pangapamuntuk, akakit de antimong kayabe king sosyalistang "pink tide" a mikakalat king Latin America. Metung yang talasuporta ning pamisaup-saup a Latin American ampong Caribbean at maragul ya papil king pamitátag king pangkabilugang rehiyon a Union of South American Nations, ing Bolivarian Alliance for the Americas, ing Bank of the South, ampo ing rehiyonal a television network a TeleSur. Metung yang kontrobersyal a taung magdalang pamipitna-pitna i Chávez king bangsa na ampo king kilwal na niti.
Anyang 7 Octubre 2012, sinambut ya i Chávez king alalan nang pampamuntuk ning kayang bangsa king katlung pamikatagun, at simbut ne i Henrique Capriles. Magsilbi yang anam pang banwa.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.