From Wikipedia, the free encyclopedia
Ing galumbang (Jatropha curcas L.) métung yang species ning tanáman a mányampága king familiang spurge, Euphorbiaceae, a katutúbû karéng lugal a tropical o mapálî king Pangulung America, malyáring king Mexico ampóng Kalibudtang America.[3]
Tatanam dé karéng labwad a tropical ampóng subtropical king mabílug a yátu, at dárakal né anti karéng tanámang katutúbû karéng áliwang lugal. Minúná néng dinínan lagyú ing species, ing "curcas", ning Portugues a doktor, i Garcia de Orta, maygit nang 400 (ápat a rálan) a banwa ing mílábas, at é sigurádu nung núkarin ya ibat.[4] Kayábé la karéng lagyú nang karaníwan king Ingles déng Barbados Nut, Purging Nut, 'Physic Nut, ó JCL' (pamikuyad ning Jatropha curcas Linnaeus).
Ing galumbang métung yang mákalásun a palungpung o malating pun dutung, a miraras king kátas a 6 m (20 pie).[3] Agyú na ing malanging clima, anya mabibie ya kareng desiertu.[5][6]
Atin lang 27-40% laru[7] (average: 34.4% [8]) déng bútul ó binî a malyáring i-procesu bang gáwang mátas a úring panangab ó fuel a biodiesel, a malyáring gamítan king karaníwan a maquinang diesel. Atin la múring misnang mákalasun a toxalbumin, ing curcin, déng butul na.[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.