Christopher Columbus
navigator and an admiral for the Crown of Castile / From Wikipedia, the free encyclopedia
I Christopher Columbus (pilatan ning August 25 ampong October 31, 1451 – May 20, 1506), Cristóbal Colón king Castila, at Cristoforo Colombo king orihinal a Italianu, metung yang talapaglayag, kolonialista, ampong talapaglakbe. Uli ning kayang pamaglakbe king Atlantic Ocean, akilala de reng keraklan king Europa ing Albugang Kapitnang-Yatu (Western Hemisphere) ampo reng kontinenting America. Lipat ning aliwa ya ing mumunang miras karing Americas manibat king Afro-Eurasia — aunahan neng manga limang dalang banuang Leif Ericson, at mapaliaring deng aliwa — inumpisan nang Columbus ing maleparan a pamiugnayan da reng Europeo ampo reng tubu kareng Americas. Inumpisan na king kayang e matagumpeng pamagtangkang mitátag tuknangan o balayán (settlement) king isla ning Hispaniola ing prosesu ning pamaniakup da reng Castila king "Bayung Yatu" (New World). (Gagamitan de ing katayang "pre-Columbian" ba rong tulduan deng kultura ampong lahi kareng Americas bayu ing paniatang da ri Columbus ampo reng Europeong minalili kaya.)
- Ing articulung iti tungkul ya keng the explorer. Para the American filmmaker, lawen ye ing Chris Columbus (filmmaker).
Christopher Columbus | |
Larawan nang Christopher Columbus; gewa neng Ridolfo Ghirlandaio aniang mete ne i Columbus. | |
Mibait | August 25-October 31, 1451 |
---|---|
Kematian | Mayu 20 1506 outside Valladolid, Spain |
Bangsa | Genovese |
Aliwang lagiu | Cristoforo Colombo Cristóbal Colón |
Obra | Maritime explorer for the Crown of Castile |
Pamansag | Admiral of the Ocean Sea; Viceroy and Governor of the Indies |
Kapanualan | Roman Catholic |
Asawa | Filipa Moniz (c. 1476-1485) |
anak | Diego Fernando |
Kamaganak | Bartolomeo (brother) Diego (brother) |